विश्रामपुरमा श्री श्री १००८ श्री महाशिवरात्रि महामहोत्सव बृहत् शोभा यात्रा

समाज

गृहपृष्ठ
समाज

विश्रामपुरमा श्री श्री १००८ श्री महाशिवरात्रि महामहोत्सव बृहत् शोभा यात्रा–२०८१

choicekhabar शनिबार, माघ १९, २०८१

बारा । बारा जिल्लाको विश्रामपुर गाउँपालिका वडा नम्बर ५, ईटियाहीमा श्री श्री १००८ श्री महाशिवरात्रि महामहोत्सव महायज्ञ २०८१ तथा श्री शिवशक्ति कोटी होम महायज्ञ आयोजना गरिँदै छ।

नयाँ तथा युवा पुस्तालाई सनातन हिन्दू धर्मको महत्व, विशेषता, र महानताको बारेमा जानकारी गराउने उद्देश्यले आयोजना गर्न लागिएको यो महायज्ञ नेपालसहित विश्वभरि शान्ति र समृद्धि स्थापनाका लागि समर्पित रहनेछ।

झन्डै १५ वर्षपछि पुनः आयोजना हुन लागेको महायज्ञ माघ २३ गतेदेखि फागुन १८ गतेसम्म सञ्चालन हुने तय भएको छ। वीरगञ्जस्थित नेशनल मेडिकल कलेजसँग जोडिएको ईटियाही क्षेत्र यस धार्मिक अनुष्ठानको केन्द्र बन्नेछ।
महायज्ञको अवसरमा आयोजित बृहत् शोभायात्रामा श्रद्धालु भक्तजनहरूको उल्लेखनीय सहभागिता रहनेछ। धार्मिक आस्थाको प्रतीक स्वरूप साँस्कृतिक झाँकी, भजन(कीर्तन, प्रवचन तथा विशेष पूजाको समेत व्यवस्था गरिनेछ।

यस महायज्ञले सनातन हिन्दू धर्मको संरक्षण, प्रवद्र्धन तथा आध्यात्मिक चेतनाको जागरण गर्दै धार्मिक एकता सुदृढ गर्ने विश्वास आयोजक समितिले व्यक्त गरेको छ।

यस भव्य आयोजनाले स्थानीय बासिन्दा, श्रद्धालु भक्तजन तथा हिन्दू धर्मावलम्बीहरूमा उत्साह र उमंग थप्ने विश्वास गरिएको छ।