जेन्जी आन्दोलनका बेला तोडफोड भएको छेकबार पुनःलगाउने काम सुरु

राजनीति

गृहपृष्ठ
राजनीति

जेन्जी आन्दोलनका बेला तोडफोड भएको छेकबार पुनःलगाउने काम सुरु

choicekhabar सोमबार, मंसिर २९, २०८२

जेन्जी आन्दोलनका क्रममा तोडफोड भएको वीरगंज गहवामाई मन्दिर परिसरको छेकबार पुनःलगाउने काम सुरु गरिएको छ । आन्दोलनका बेला छेकबार क्षतिग्रस्त भएपछि मन्दिर क्षेत्रको सुरक्षा, सौन्दर्य र आवागमन व्यवस्थापनमा समस्या देखिएको थियो ।

समस्या समाधानका लागि वीरगञ्ज महानगरपालिकाले पहल गर्दै आज बिहानै देखि छेकबार पुनःनिर्माण तथा पुनःस्थापना कार्य अघि बढाएको हो । नगर प्रमुख राजेशमान सिंहको निर्देशनमा बिहानैदेखि काम सुरु गरिएको जनाइएको छ ।

महानगरपालिकाले मन्दिर परिसरलाई सुरक्षित, व्यवस्थित र सौन्दर्यपूर्ण बनाउने उद्देश्यले छेकबार पुनःलगाउनुका साथै अन्य आवश्यक व्यवस्थापनका काम पनि चरणबद्ध रूपमा गर्ने जनाएको छ । यसबाट दैनिक दर्शनार्थी तथा सर्वसाधारणको आवतजावत सहज हुने विश्वास गरिएको छ ।

स्थानीयवासी तथा भक्तजनहरूले छेकबार पुनःलगाउने काम सुरु भएकोमा खुशी व्यक्त गर्दै महानगरपालिकाको सक्रियतालाई सकारात्मक रूपमा लिएका छन् । उनीहरूले काम छिटो सम्पन्न गरी मन्दिर परिसरलाई सुरक्षित बनाउन आग्रह गरेका छन् ।

प्रकाशित मिति: सोमबार, मंसिर २९, २०८२ ०७:३५

प्रतिक्रिया दिनुहोस्