माँ दुर्गा रोड क्यारियर्सको गोदाममा सशस्त्र प्रहरीको छापा, २० लाखको अवैध समान बरामद

समाचार

गृहपृष्ठ
समाचार

माँ दुर्गा रोड क्यारियर्सको गोदाममा सशस्त्र प्रहरीको छापा, २० लाखको अवैध समान बरामद

choicekhabar आइतबार, साउन ६, २०८१

वीरगंज महानगरपालिकाको वडा नम्बर १० आदर्शनगर स्थित रहेको माँ दुर्गा रोड क्यारियर्सको गोदाममा सशस्त्र प्रहरीले छापामारी गरेको छ ।

सशस्त्र प्रहरी बल नेपाल प्रास्तावीत सीमा सुरक्षा गुल्म वीरगंजका सशस्त्र प्रहरी नयाँब उरिक्षक विश्वराज योन्जनको कमाण्डमा खटिएको टोलि र बिरगंज भन्सार कार्यालय पर्साका नायब सुब्बा बिष्णु प्रसाद चौधरी सहितको संयुक्त टोलीले सो छापामारी गरेको हो ।
आईतवार बिषेश सुचनाको अधारमा खटिएको प्रहरी टोलीले माँ दुर्गा रोड क्यारियर्सको गोदाममा छापामारी गर्दा भारतबाट अवैध रुपमा ल्याई राखिएको अवस्थामा २० लाख बराबरको आलमण्ड, छोहरा, काजु, मिट मशाला तथा कपडा लगायतका भन्सार छलीका बिभिन्न समानहरु बरामद गरेको सशस्त्र प्रहरीका प्रवक्ता देवेन्द्र सिंहले जानकारी दिए ।
सशस्त्र प्रहरीले बरामद गरेको समान आवश्यक कारवाहीको लागी वीरगंज भन्सार कार्यालयमा बुझाइएको प्रवक्ता सिंहले बताएका छन ।

माँ दुर्गा रोड क्यारियर्सको गोदाममा सुचना पाए अनुसार खोजतलास गर्दा लुकाई छिपाई राखिएको अवस्थामा सो अवैध भन्सार छलीका समानहरु फेला परेको सशस्त्र प्रहरीले जनाएको छ ।

प्रकाशित मिति: आइतबार, साउन ६, २०८१ २०:३१

प्रतिक्रिया दिनुहोस्