को–अपरेटिभ म्यानेजर्स क्लब पर्साको सातौँ वार्षिक साधारणसभा भव्य रूपमा सम्पन्न, सहकारीमा एकरूपता आउदै

समाचार

गृहपृष्ठ
समाचार

को–अपरेटिभ म्यानेजर्स क्लब पर्साको सातौँ वार्षिक साधारणसभा भव्य रूपमा सम्पन्न, सहकारीमा एकरूपता आउदै

choicekhabar शनिबार, कात्तिक २९, २०८२

वीरगञ्ज : ब्यवस्थापकहरुको क्षमता सहकारी संस्थामा एकरुपता भन्ने मूल नाराका साथ को–अपरेटिभ म्यानेजर्स क्लब (CMC) पर्साको सातौँ वार्षिक साधारणसभा शनिबार स्थानीय होटल भिसुवामा भव्य र सभ्य रूपमा सम्पन्न भएको छ।कार्यक्रमको अध्यक्षता क्लबका अध्यक्ष रवि भूषण श्रीवास्तवको अध्यक्षता तथा जिल्ला बचत तथा ऋण सहकारी संघ पर्साका वरिष्ठ उपाध्यक्ष जिष्णु बराल प्रमुख अतिथिमा उक्त वार्षिक साधारणसभा सम्पन्न भएको हो । साधारणसभामा सहकारी क्षेत्रका प्रतिनिधि, व्यवस्थापक, संघ–संस्थाका पदाधिकारीहरुको उल्लेखनीय उपस्थिति रहेको थियो।सहकारीको विकासका लागि दक्ष व्यवस्थापक अपरिहार्य हुनुपर्ने प्रमुख अतिथि जिष्णु बरालले बताएका छन् उनले सहकारीको सशक्त विकासका लागि व्यवस्थापकको दक्षता अत्यन्तै महत्वपूर्ण रहेकोमा जोड दिए। उनले भने“सहकारी संस्थालाई अगाडि बढाउन र पारदर्शिता कायम राख्न दक्ष व्यवस्थापकहरू अपरिहार्य हुन्छन्। सहकारीको विकासका लागि व्यवस्थापकहरूलाई आवश्यक प्रशिक्षण, ज्ञान र वातावरण प्रदान गर्नु हाम्रो प्रमुख जिम्मेवारी हो।उनले सहकारी क्षेत्रमा देखिएका चुनौती समाधानका लागि व्यवस्थापन क्षमता, नीति–नियमको पालना र प्रविधिमैत्री प्रणालीको प्रयोग आवश्यक रहेको उल्लेख गरे।क्लबका अध्यक्ष श्रीवास्तवद्वारा व्यवस्थापक एकता र क्षमता विकासमा जोड दिदै क्लबका अध्यक्ष रवि भूषण श्रीवास्तवले (CMC) पर्साले सहकारी क्षेत्रको व्यवस्थापकहरूको क्षमता अभिवृद्धि, एकता र सहकार्यका लागि निरन्तर कार्यक्रम गर्दै आएको जानकारी दिए।उनले भने ब्यवस्थापकहरुको एकता र पेशागत क्षमता नै सहकारीको दिगो विकासको मूल आधार हो। क्लबले आगामी दिनमा थप प्रशिक्षण, गोष्ठी र अभिमुखीकरण कार्यक्रमहरू अघि सार्नेछ।”तिवेदन तथा आर्थिक विवरण प्रस्तुतसाधारणसभामा क्लबका सचिवले वार्षिक प्रतिवेदन प्रस्तुत गरेका थिए भने कोषाध्यक्षले आर्थिक वर्षको आय–व्यय विवरण प्रस्तुत गरेका थिए। दुवै प्रतिवेदन सर्वसम्मतिले पारित गरिएको थियो।
याँ वर्षको योजना तथा प्रस्तावहरू पारित
कार्यक्रममा आगामी वर्षका लागि विभिन्न योजना तथा कार्यक्रम प्रस्ताव गरिएको थियो। जव्यवस्थापकका लागि क्षमता विकास तालिम,सहकारी सुशासन अभिवृद्धि कार्यक्रम,सहकार्यशीलता तथा समन्वय विस्तार,डिजिटलाइजेशनसम्बन्धी तालिम
लगायतका कार्यक्रम समावेश छन्।
कार्यक्रम धन्यवाद ज्ञापनसहित सम्पन्न गरिएको थियो। को–अपरेटिभ म्यानेजर्स क्लब पर्साले सहकारी क्षेत्रमा पेशागत व्यवस्थापन सुदृढ गर्दै आएका कारण यसको भूमिका उल्लेखनीय रहेको सहभागीहरूले बताएका थिए। कार्यक्रमको स्वागत मनतब्य क्लबका उपाध्यक्ष रामबाबु चौधरीले गर्नुभएको थियो भने कार्यक्रमको सहजिकरण सचिव प्रदिप कुमार लोहारले गरेका थिए। साधारणसभामा राष्ट्रिय सहकारी बैंकका संजय कुमार महतो,क्लबका निवर्तमान अध्यक्ष चन्देश्वर चौरसिया,सहकारी क्षेत्रका बिज्ञ राजेन्द्र जैसवाल ,क्लबका महासचिव दिपक चौधरी ,सदस्य दिपेन्द्र श्रेष्ठ ,किरण ठाकुर ,दिपिका श्रेष्ठ ,उमेश साह तुराहा लगायत सहकारी संस्थाका पदाधिकारीहरुको उपस्थित रहेको थियो ।साधारणसभाले नयाँ नेतृत्व चयन गर्ने सचिव प्रदिप कुमार लोहारले जानकारी दिनुभएको छ

प्रकाशित मिति: शनिबार, कात्तिक २९, २०८२ १८:१७

प्रतिक्रिया दिनुहोस्