समाजसेवा र विकासलाई प्राथमिकता दिने नेता : नन्दु श्रीवस्तव

राजनीति

गृहपृष्ठ
राजनीति

समाजसेवा र विकासलाई प्राथमिकता दिने नेता : नन्दु श्रीवस्तव

choicekhabar शनिबार, माघ १७, २०८२

वीरगञ्ज । पर्सा निर्वाचन क्षेत्र नम्बर १ बाट प्रतिनिधिसभा सदस्य पदका उम्मेदवार नन्दु श्रीवास्तव सामाजिक सेवा, विकास र जनमुखी राजनीतिमा सक्रिय व्यक्तित्वका रूपमा परिचित छन्। लामो समयदेखि स्थानीय स्तरमा जनसम्पर्क र सामाजिक गतिविधिमा संलग्न रहँदै आएका उनी जनताको समस्या बुझ्ने र समाधान खोज्ने नेताका रूपमा चिनिन्छन्।

श्रीवास्तवले शिक्षा, स्वास्थ्य, रोजगारी र पूर्वाधार विकासलाई आफ्नो प्रमुख चुनावी एजेन्डा बनाएका छन्। क्षेत्र नं. १ भित्रका ग्रामीण तथा सहरी भेगका जनतासँग निरन्तर संवाद गर्दै उनले खानेपानी, सडक, शिक्षा र स्वास्थ्य सेवामा सुधार आवश्यक रहेको बताएका छन्। विशेषगरी युवा रोजगारी सिर्जना, साना उद्यम प्रवर्द्धन र महिलाको आर्थिक सशक्तीकरणमा जोड दिनुपर्ने उनको धारणा छ।

उम्मेदवार श्रीवास्तवले दलित, सुकुम्बासी, किसान, मजदुर तथा विपन्न वर्गको हकहितका लागि सधैं आवाज उठाउँदै आएको बताउँदै आएका छन्। उनी जनताको घरदैलोमा पुगेर प्रत्यक्ष रूपमा समस्या सुन्ने र समाधानका लागि पहल गर्ने कार्यशैलीका कारण लोकप्रिय बन्दै गएका छन्।

चुनावी अभियानका क्रममा उनले “विकास, सुशासन र जनताको सम्मान” लाई मूल मन्त्र बनाएका छन्। भ्रष्टाचारविरुद्ध कडा कदम, पारदर्शी शासन प्रणाली र जनउत्तरदायी प्रतिनिधित्व आफ्नो प्रतिबद्धता रहेको उनले स्पष्ट पारेका छन्।

स्थानीय बासिन्दाहरूका अनुसार नन्दु श्रीवास्तव सरल, मिलनसार र जनतासँग नजिक रहने नेताका रूपमा परिचित छन्। पर्सा निर्वाचन क्षेत्र नम्बर १ मा उनले जनआधार विस्तार गर्दै चुनावी अभियानलाई तीव्रता दिइरहेका छन्।

प्रकाशित मिति: शनिबार, माघ १७, २०८२ १२:३७

प्रतिक्रिया दिनुहोस्