पर्सा–१ का उम्मेदवार रामकिशोर सिंह (पराग)लाई परवानीपुर

राजनीति

गृहपृष्ठ
राजनीति

पर्सा–१ का उम्मेदवार रामकिशोर सिंह (पराग)लाई परवानीपुर–२१ मा Gen Z युवाद्वारा भव्य स्वागत

choicekhabar शनिबार, माघ १७, २०८२

पर्सा निर्वाचन क्षेत्र नम्बर–१ का प्रतिनिधिसभा सदस्य उम्मेदवार रामकिशोर सिंह (पराग)लाई परवानीपुर गाउँपालिका वडा नम्बर–२१ मा Gen Z युवाहरूले खादा–माला लगाई भव्य स्वागत तथा सम्मान गरेका छन्।
स्वागत कार्यक्रममा स्थानीय युवाहरूको उल्लेखनीय सहभागिता रहेको थियो। भेटघाट तथा संवादका क्रममा उम्मेदवार सिंहले टोलवासीसँग प्रत्यक्ष कुराकानी गर्दै क्षेत्रका निर्माणाधीन तथा अधुरा विकास आयोजनाहरू, युवाका लागि रोजगारी र शिक्षाको अवस्था, साथै गाउँ–समाजको समग्र विकासका विषयमा आफ्ना धारणा राख्नुभयो।
उहाँले युवाहरू रोजगारी र शिक्षाका लागि सहर वा काठमाडौं केन्द्रित हुनुपर्ने बाध्यता अन्त्य गर्नुपर्नेमा जोड दिनुभयो। गाउँमै बसेर पनि रोजगारी सिर्जना, गुणस्तरीय शिक्षा र दिगो विकास सम्भव रहेको उल्लेख गर्दै, वीरगञ्ज महानगरपालिका वडा नम्बर–२० मा निर्वाचित भएपछि गरेको काम र त्यहाँबाट बटुलेको अनुभव अब संघीय संसदसम्म पुर्‍याएर जनताको आवाज बुलन्द गर्ने प्रतिबद्धता व्यक्त गर्नुभयो।
कार्यक्रममा सहभागी Gen Z युवाहरूले नयाँ सोच, इमानदार नेतृत्व र युवामैत्री नीतिप्रति उम्मेदवार सिंहप्रति आशा र विश्वास व्यक्त गरेका थिए।
उज्यालो नेपाल पार्टीले यस्ता जनसम्पर्क, सम्मान तथा संवाद कार्यक्रमहरूले संगठनलाई थप सशक्त बनाउँदै जनतासँगको सम्बन्ध अझ मजबुत हुँदै गएको जनाएको छ।

प्रकाशित मिति: शनिबार, माघ १७, २०८२ १७:३६

प्रतिक्रिया दिनुहोस्