प्रेस चौतारी पर्सा जिल्ला भेला सम्पन्न, चारै निर्वाचन क्षेत्रका उम्मेदवारले राखे विकास र सुशासनको एजेन्डा

राजनीति

गृहपृष्ठ
राजनीति

प्रेस चौतारी पर्सा जिल्ला भेला सम्पन्न, चारै निर्वाचन क्षेत्रका उम्मेदवारले राखे विकास र सुशासनको एजेन्डा

choicekhabar मंगलबार, माघ २०, २०८२

वीरगञ्ज । नेकपा एमाले निकट जनसंगठन प्रेस चौतारी नेपाल, पर्सा शाखाद्वारा आयोजित जिल्ला भेला कार्यक्रम सम्पन्न भएको छ। उक्त भेलामा पर्सा जिल्लाका निर्वाचन क्षेत्र नम्बर १, २, ३ र ४ का युवा उम्मेदवारहरूको सक्रिय सहभागिता रहेको थियो।

कार्यक्रममा सहभागी हुँदै निर्वाचन क्षेत्र नम्बर १ का प्रदीप यादव, २ की रिमा यादव, ३ का रुपेश पाण्डे तथा ४ का जालिम मियाले सुशासन, समग्र विकास, रोजगारी सिर्जना र जनउत्तरदायी राजनीतिलाई केन्द्रमा राख्दै आफ्नो स्पष्ट राजनीतिक दृष्टिकोण प्रस्तुत गर्नुभएको थियो।

भेलामा नेताहरूले पत्रकारिता र लोकतन्त्रबीचको अन्तरसम्बन्ध, सत्य तथा जिम्मेवार पत्रकारिताको महत्व र देश तथा समाजको रूपान्तरणमा सञ्चारकर्मीको निर्णायक भूमिकाबारे सान्दर्भिक धारणा राख्नुभयो।

उम्मेदवारहरूले प्रस्तुत गरेको स्पष्ट सोच, कार्यदिशा र प्रतिबद्धताले कार्यक्रममा उपस्थित पत्रकार तथा कार्यकर्तामा नयाँ उत्साह र विश्वास थपिएको सहभागीहरूको भनाइ छ। पर्सा जिल्लाका चारै निर्वाचन क्षेत्रमा परिवर्तनको लहरलाई अझ सुदृढ बनाउन युवा उम्मेदवारहरूले आगामी दिनमा समेत सक्रियता जारी राख्ने संकेत दिएका छन्।

प्रकाशित मिति: मंगलबार, माघ २०, २०८२ १४:२५

प्रतिक्रिया दिनुहोस्