ओली र लेखक हाजिर जमानतमा रिहा हुने

समाचार

गृहपृष्ठ
समाचार

ओली र लेखक हाजिर जमानतमा रिहा हुने

choicekhabar बिहीबार, चैत २६, २०८२

पूर्वप्रधानमन्त्री केपी शर्मा ओली र पूर्वगृहमन्त्री रमेश लेखक लाई प्रहरीले हाजिर जमानतमा छाड्ने निर्णय गरेको छ।सर्वोच्च अदालतको आदेशअनुसार कसैको जिम्मा लगाएर रिहा गर्ने प्रक्रिया अघि बढाइएको काठमाडौं प्रहरी प्रमुख एसएसपी रमेश थापाले जानकारी दिएका छन्। उनका अनुसार सरकारी वकिलको कार्यालयबाट आवश्यक पत्र प्राप्त भइसकेको छ र सोहीअनुसार प्रक्रिया सुरु गरिएको छ।ओली र लेखकको परिवारले दायर गरेको बन्दीप्रत्यक्षीकरण रिटमाथि सुनुवाइ गर्दै सर्वोच्च अदालत ले हिरासतमा राख्ने म्याद सकिएपछि उनीहरूलाई रिहा गर्न आदेश दिएको थियो। न्यायाधीशद्वय विनोद शर्मा र सुनिलकुमार पोखरेलको इजलासले अनुसन्धानका लागि राखिएको हिरासतलाई पूर्णतः गैरकानुनी नभए पनि म्यादभित्रै अनुसन्धान टुंग्याएर मुद्दा चलाउने वा नचलाउने निर्णय गर्न निर्देशन दिएको थियो।

अदालतले तोकिएको समयभित्र अनुसन्धान पूरा नभएमा मुलुकी फौजदारी संहिता, २०७४ को दफा १५ अनुसार प्रक्रिया पूरा गरी हिरासतबाट मुक्त गर्नुपर्ने उल्लेख गरेको छ।

मिसिलका आधारमा बयान र अनुसन्धानका अधिकांश काम सम्पन्न भइसकेको पनि अदालतले औंल्याएको छ। साथै, छानबिन समितिले कारबाही सिफारिस गरेका अन्य व्यक्तिहरूलाई समेत आवश्यक पर्दा उपस्थित हुने शर्तमा छाडिएको उल्लेख गरिएको छ।

ओलीको स्वास्थ्य अवस्था जटिल रहेको भन्दै अनुसन्धान प्रक्रिया छिटो टुंग्याउनु उपयुक्त हुने अदालतको ठहर छ। उनीहरूलाई प्रहरीले चैत १४ गते पक्राउ गरेको थियो।

प्रकाशित मिति: बिहीबार, चैत २६, २०८२ १०:४३

प्रतिक्रिया दिनुहोस्