फिफा विश्वकप २०२६: क्रोएसियामाथि २–१ को जितसँगै पोर्चुगल नकआउट चरणमा

खेलकुद

गृहपृष्ठ
खेलकुद

फिफा विश्वकप २०२६: क्रोएसियामाथि २–१ को जितसँगै पोर्चुगल नकआउट चरणमा

choicekhabar शुक्रबार, असार १९, २०८३

पोर्चुगलले फिफा विश्वकप २०२६ को अन्तिम १६ मा स्थान सुरक्षित गरेको छ।

अन्तिम समयमा गोन्सालो रामोसले गरेको निर्णायक गोलको मद्दतमा पोर्चुगलले क्रोएसियालाई २–१ ले पराजित गर्दै नकआउट चरणमा प्रवेश गरेको हो।

खेलको ५३ मिनेटमा इभान प्यारिसिकले गोल गर्दै क्रोएसियालाई सुरूवाती अग्रता दिलाएका थिए। त्यसपछि ६८ मिनेटमा कप्तान क्रिस्टियानो ‍रोनाल्डले अग्रता दोब्बर पारे।

दोस्रो हाफको ८० मिनेटमा प्रशिक्षक रोबर्टो मार्टिनेजले रोनाल्डोलाई बाहिर निकालेका थिए।

सब्सिच्युट हुँदा रोनाल्डो निराश देखिएका थिए।

६३ मिनेटमा मैदान प्रवेश गरेको गोन्सालो रामोसले हेडमार्फत विजयी गोल गर्दै पोर्चुगललाई अन्तिम १६ मा पुर्‍याए।

खेलको इन्जुरी समयमा १९ मिनेट थपिएपछि अन्तिम क्षणसम्म नाटकीय अवस्था देखिएको थियो।

९०+१२ औँ मिनेटमा क्रोएसियाले बललाई जाली चुमाउँदै खेल २–२ को बराबरीमा पुगेको जस्तो देखिएको थियो। तर भिडियो सहायक रेफ्री (भीएआर) को समीक्षा पछि योस्को ग्भार्डिओलको गोल अफसाइडका कारण रद्द गरियो।

निर्णायक क्षणमा इगोर मातानोभिचको टाउकोमा सामान्य स्पर्श भएपछि बल ग्भार्डिओलसम्म पुगेको र त्यस क्रममा अफसाइड भएको ठहर गर्दै रेफ्रीले गोल अस्वीकार गरेका थिए। त्यससँगै पोर्चुगलको २–१ को जित कायम रह्यो।

यस जितसँगै पोर्चुगलले अन्तिम १६ मा आफ्नो स्थान पक्का गरेको छ।

अब उसले स्पेनसँग प्रतिस्पर्धा गर्नेछ। उक्त खेलको विजेताले क्वार्टरफाइनलमा अमेरिका वा बेल्जियममध्ये एक टोलीको सामना गर्नेछ।

प्रकाशित मिति: शुक्रबार, असार १९, २०८३ १०:५३

प्रतिक्रिया दिनुहोस्