जरिवाना तिरेको रसिद देखाएपछि पूर्व गाउँपालिका अध्यक्ष चौरसिया रिहा

राजनीति

गृहपृष्ठ
राजनीति

जरिवाना तिरेको रसिद देखाएपछि पूर्व गाउँपालिका अध्यक्ष चौरसिया रिहा

choicekhabar शुक्रबार, असार १९, २०८३

कुटपिट मुद्दामा अदालतले तोकेको जरिवाना नतिरेको भन्ने सूचनाका आधारमा प्रहरी नियन्त्रणमा रहेका पर्साको पकाहामैनपुर गाउँपालिकाका पूर्व अध्यक्ष विजयकुमार चौरसिया रिहा भएका छन । जरिमाना रकम यसअघि नै बुझाइसकेको प्रमाण पेश गरेपछि उनी रिहा भएका हुन ।

प्रहरीका अनुसार विशेष सूचनाको आधारमा वडा प्रहरी कार्यालय श्रीपुरबाट खटिएको टोलीले चौरसियालाई वीरगञ्ज महानगरपालिका–१३ राधेमाईस्थित अदालत नजिकबाट नियन्त्रणमा लिएर आवश्यक सोधपुछका लागि प्रहरी कार्यालय ल्याएको थियो।

चौरसियाविरुद्ध कुटपिट मुद्दामा उच्च अदालत जनकपुरको अस्थायी इजलास वीरगञ्जले १५ हजार रुपैयाँ जरिमाना गर्ने फैसला गरेको थियो। अदालतको फैसला कार्यान्वयनका क्रममा जरिवाना रकम भुक्तानी नभएको भन्ने सूचनाका आधारमा उनलाई प्रहरी कार्यालयमा ल्याइएको प्रहरी स्रोतले जनाएको छ।

यद्यपि, चौरसियाले उक्त जरिवाना यसअघि नै भुक्तानी गरिसकेको दाबी गर्दै सम्बन्धित रसिद प्रहरीसमक्ष पेश गरेका थिए। त्यसपछि जरिवाना रकम बुझाइसकेको पुष्टि भएपछि उनलाई रिहा गरिएको श्रोतको दावी छ ।

प्रकाशित मिति: शुक्रबार, असार १९, २०८३ १७:४०

प्रतिक्रिया दिनुहोस्