बीरगंज भंसारमा संस्थागत भ्रष्टाचार सुरु, करोड दबाउन बार्गेनिङ्ग शुरु मूल्यवान बस्तूको मूल्याँकनमा दर्जनको मिलिभगत, ३ ट्रक बिभाग पुग्यो

समाचार

गृहपृष्ठ
समाचार

बीरगंज भंसारमा संस्थागत भ्रष्टाचार सुरु, करोड दबाउन बार्गेनिङ्ग शुरु मूल्यवान बस्तूको मूल्याँकनमा दर्जनको मिलिभगत, ३ ट्रक बिभाग पुग्यो

choicekhabar सोमबार, कात्तिक २६, २०८१

बीरगंज भंसार कार्यालयको बदमासिका कारण मासिक रुपमा करोडौं रुपैंया बराबरको राजस्व ब्रम्हलुट हुने गरेको कुरा पुष्टी भएको छ । बारम्बार सुन दिने कार्यालयको रुपमा त्यहाँ कार्यरत कर्मचारीहरुले परिभाषित गरेको बीरगंज भंसारलाई साँच्चीकै त्यसको चरितार्थ हुने गरि द्रब्यमोचनमा लिप्त रहेको पछिल्लो उदाहरण फेला परेको छ । बिगत केही बर्ष अघिदेखि निरन्तर रुपमा राजस्वको टार्गेट पुरा गर्न नसकेको बीरगंज भंसारले संस्थागत तश्करीलाई नियन्त्रण गर्न चासो नदेखाउंदा यस्तो बेथीतिले निरन्तरता पाएको हो । हालमात्र आउनु भएको पर्साका नयाँ प्रमुख जिल्ला अधिकारी गणेश अर्यालले हिजो मात्र राजस्व चुहावट नियन्त्रणको लागि समितीको बैठक बसाएको भएपनि त्यहाँ कार्यरत कर्मचारीको पुरानो भ्रष्ट मानसिकतामा कत्ति पनि सुधार नआएको कुरा प्राप्त समाचारमा उल्लेख गरिएको छ ।
हालैमात्र बीरगंज भंसार आउनु भएका प्रमुख भंसार प्रशासक दीपक लामिछानेले कुनै पनि प्रकारको अनियमितता नहुने तर्क प्रस्तुत गर्दै आएको भएपनि उनकै कार्यालयमा भएको राजस्व मारा कर्मचारीहरुलाई कस्तो खालको कारवाहीको सिफरिस गर्छन त्यो भने हेर्न बाँकी रहेको छ । रसुवा भंसारबाट बीरगंज भंसारमा आएको प्रमुख राम प्रसाद पाठकको संरक्षणमा अहिले बीरगंज भंसारका राजस्व मारा नीति लागू भएको र पैसा दिएपछि जे पनि हुन सक्ने कुरा एकजना राष्ट्रसेवक कर्मचारी बताउँछन ।
घटना विवरण अनुसार यसै महिनाको १३ गते मंगलबार बीरगंज भंसार कार्यालयमा चीनबाट आएको मालबाहक कन्टेनरमा अपनाइएको बदनियतमा दर्जन कर्मचारीको संलग्नता देखा परेको समाचार प्राप्त हुन आएको छ । प्रज्ञापन पत्र १२४२९५ मार्फत अन्नपूर्ण ट्रेडलिंकको नाममा आएको महंगो पोलार कपडालाई भेल्भेट भनि मूल्याँकन र जाँचापास गरेपछि बीरगंज भंसारको भ्रष्ट कर्मचारीका्े पोल खुलेको हो । प्राप्त सूचना अनुसार १२ हजार १ सय ६५ किलो पोलार कपडाको भंसार दर प्रति किजो २ रुपैयाँ ५० पैसा अम्ेरिकि डलर पर्ने भएपनि त्यसलाई भेल्भेट बनाएर प्रति किलो ७५ अंस बनाइएको छ त्यसमा पनि किलोलाई मिटर बनाएर जाँचपास गरेपछि लहरो तान्दा पहरो खस्कन लागेको हो । जबकी भेल्भेटलाइ पनि प्रतिकिलो ९० अंस कायम हुनुपर्ने भंसार दरबन्दी ३ महिना अघि नै संशोधन भएर आएको छ ।
यसरी कम मूल्याँकन र त्यसमा पनि अलग्गै बस्तुको परिभाषित गरि जाँच पास भएको मालमा झण्डै ४० लाख रुपैयाँ भंसार चुहावट गरिएको छ भने त्यसमा जरिवाना ३ सय प्रतिशत हुने भंसार नियमावलीमा भएपनि त्यसलाई समेत धज्जी उडाउँदै कारवाहीबाट बच्न बिभागलाई समेत प्रभाबित पार्न १ करोडको मोलतोल गरिएको समाचार प्राप्त हुन आएको छ । कारवाही सम्बन्धी दफा ५७ लाग्ने स्पष्ट हुँदा पनि त्यसबाट बच्न ३५ लाख मात्र मल्यँकन गर्ने र सबै भ्रष्ट कर्मचारीलाई बचाउने प्रपञ्च रचिएको समेत बताइन्छ । त्यसरी मूल्याँकनमा ५० लाख पुर्याउँदा मुद्दा चल्ने र सबै अख्तियारको सिकञ्जामा पर्ने भएकोले करोडको चलखेल भएको समाचार प्राप्त हुन आएको हो । हाल बिभागमा माल लोड गरिएका ना ५ ख ५७२२, ना ६ ख ५९७७ र ना ६ ख ४७३२ नम्बरको ट्रक नियन्त्रणमा लिएर अनुसन्धान शुरु गरिएको छ । ४ नम्बर फाँटका प्रमुख मणिराम पौडेलले अनुसन्धान गरिरहेको भएपनि त्यसमा पनि निकै चलखेल हुन थालेको समाचार छ । कपडालाई ल्याबमा पठाएर भेल्भेट नै हो भन्ने गरि प्रमाणित गर्ने र क्लिन चिट दिने योजना बनेको र त्यसको लागि सम्बन्धित माल मगाउने ब्यापारिले जति पनि दिन तयार रहेको कुरा बताएपछि बचाउने गरि फाइल तयार भएको समाचार छ । तर पौडेल भने कर्सैलाई बचाइने होइन अनुसन्धान सकिएको छैन पछि के हुन्छ यसै भन्न सकिन्न भनि आफु पन्छिए ।
यस बारेमा बीरगंज भंसार प्रमुख भंसार प्रशासक दीपक लामिछाने दोषी हो भने कहीँ कतैबाट पनि उम्कँदैन त्यसमो सुक्ष्म अनुसन्धान भैरहेको बताउँछन भने भंसार प्रमुख राम प्रसाद पाठक बिभागले थालेको अनुसन्धानमा अहिल्यै बोल्न नमिल्ने भनि तर्किन्छन उनलाई के हेरेर माल पास गर्नु भो भन्दा यस्ता गल्ती हुन्छन तर अव पाठ सिक्ने् बताएपनि यी सबै प्रपञ्चको रचनाकार उनी आफैं भएको बताइन्छ तर उनी भने आफ्नो संलग्नताको पुष्टी गर्न चुनौति नै दिन्छन । यसैगरि मूल्याँकन गर्ने भंसार अधिकृत प्रकाश निरौला काम गर्दै जाने क्रममा छुट्यो होला अव अनुसन्धानले नै बोल्ने बताउँछन तर उनले यस बापत निकै मोटो नजराना लिएको चर्चा बीरगंज भंसारमा ब्याप्त छ ।
यता समानको मध्यस्थता गर्ने दर्ता नम्बर ६८३ को क्लियरिङ्ग एजेन्टका संचालक हेटौडा निवासी गुरुङ्ग थरका मानिस भने आफ्नो फर्मबाट बीरगंजका मानन्धर भाइले कारोबार गरिरहेकोले आफुलाई थाहा नभको बतउँछन तर मानन्धर भने गलत भए भंसारका अधिकृतहरुले के हेरेर जाँचपास गर्यो त ? उनीहरुले भने अनुसार डकुमेन्ट मिलाएका हौं गल्ती भए अधिकारीहरु जानुन हाम्रो के दोष ? उनीहरुलाई गल्ती भए पक्रनु भनेर सरकारले तलब दिएको हैन भनी आफु निर्दोष रहेको दलिल पेश गर्छन । यस प्रकरणमा हिमाल शर्मा, गोबिन्द अधिकारी, लगायतले पनि राज्यलाई हानी नोक्सानी पुर्याउने काममा सहयोगीको भूूमिका निर्बाह गरेको समाचार प्राप्त हुन आएको छ । यस बारेमा गोबिन्द अधिकारी बिभागले अनुसन्धान गरिरहेको बिषयमा आफु नबोल्ने भनि थप प्रतिक्रिया दिन मान्दैनन ।

प्रकाशित मिति: सोमबार, कात्तिक २६, २०८१ १८:३७

प्रतिक्रिया दिनुहोस्