ठोरीमा आराध्य देव पशुपतिनाथको प्राण–प्रतिष्ठा विशेष पूजाआजासहित सम्पन्न

समाचार

गृहपृष्ठ
समाचार

ठोरीमा आराध्य देव पशुपतिनाथको प्राण–प्रतिष्ठा विशेष पूजाआजासहित सम्पन्न

choicekhabar आइतबार, मंसिर १६, २०८१

वीरगञ्ज । पर्साको ठोरी गाउँपालिकाको भगवान नगरस्थित सिङ्गेडाँडा कैलाश पर्वतमा आराध्य देव पशुपतिनाथको प्राण–प्रतिष्ठा सम्पन्न भएको छ । वैदिक विधिअनुसार आयोजित विशेष पूजाआजासहित प्राण–प्रतिष्ठा सम्पन्न गरिएको हो ।

मङ्सिर १३ गतेदेखि सुरु भएको धार्मिक विधिलाई पूर्णता दिँदै आज शतबीज छर्ने कार्यक्रम आयोजना गरिएको थियो । प्राण–प्रतिष्ठाका यज्ञ आचार्य चिरञ्जीवी सापकोटाले विधिवत् रूपमा पूजाको सम्पादन गरिएको जानकारी दिए ।

अध्यक्ष श्रेष्ठले भने, “पशुपतिनाथ मन्दिर स्थापना गर्नुले ठोरीलाई आन्तरिक तथा बाह्य पर्यटकको गन्तव्यका रूपमा विकास गर्न मद्दत पुग्नेछ ।”

गाउँपालिकाकी उपाध्यक्ष गोकुलीकुमारी रेग्मीले धार्मिक पर्यटनको माध्यमबाट यस क्षेत्रको विकास हुने र आर्थिक गतिविधि बढ्नेमा विश्वास व्यक्त गरिन् । उनले भनिन्, “पशुपतिनाथको स्थापनासँगै ठोरीलाई धार्मिक तथा सांस्कृतिक गन्तव्यका रूपमा पहिचान दिलाउन सहयोग पुग्नेछ ।”

प्राण–प्रतिष्ठा समारोहमा ठोरीवासीको उत्साहजनक सहभागिता रहेको थियो । मङ्सिर १३ गतेको अवसरमा ठोरी गाउँपालिका–१ र २ मा सार्वजनिक बिदासमेत घोषणा गरिएको थियो ।

पशुपतिनाथको स्थापनाले ठोरी क्षेत्रको धार्मिक, सांस्कृतिक र आर्थिक विकासमा दीर्घकालीन प्रभाव पर्ने अपेक्षा गरिएको छ ।

प्रकाशित मिति: आइतबार, मंसिर १६, २०८१ १५:५७

प्रतिक्रिया दिनुहोस्