वीरगञ्जमा रात्री बस दुर्घटना, सबै यात्रु सकुशल

समाचार

गृहपृष्ठ
समाचार

वीरगञ्जमा रात्री बस दुर्घटना, सबै यात्रु सकुशल

choicekhabar शनिबार, वैशाख २६, २०८३

काठमाडौंबाट वीरगंजतर्फ आउँदै गरेको यात्रुबाहक बस आज बिहान वीरगञ्जमा दुर्घटनाग्रस्त भएको छ।सिकन्दर ट्राभल्सको बागमती प्रदेश ०१–००६ ख ९३५६ नम्बरको रात्री बस पावर हाउस नजिक अनियन्त्रित भई सडकमा पल्टिएको हो।

वडा प्रहरी कार्यालय श्रीपुरका अनुसार काठमाडौँबाट रात्रि सेवामा छुटेको उक्त बस गन्तव्य नजिक पुग्ने क्रममा दुर्घटनामा परेको हो। दुर्घटनाका बेला बसमा रहेका यात्रु तथा चालक दलका सबै सदस्य सकुशल रहेको प्रहरीले जनाएको छ।

बस पल्टिएपछि केही समय यात्रुहरू त्रसित बनेका थिए। “हामी निद्रामै थियौँ, अचानक ठूलो आवाज आयो र बस पल्टियो,” एक यात्रुले भने, “तर सबै जना सुरक्षित रूपमा बाहिर निस्कियौँ।”

दुर्घटनापछि स्थानीयवासी र सुरक्षाकर्मीको टोली तत्काल उद्धारमा खटिएको थियो। सामान्य चोटपटक लागेका केही यात्रुको घटनास्थलमै उपचार गरिएको र कसैलाई पनि अस्पताल भर्ना गर्नुपर्ने अवस्था नरहेको प्रहरीले जनाएको छ।

प्रहरीका अनुसार मोड काट्ने क्रममा गति नियन्त्रण हुन नसक्दा वा चालकको थकानका कारण दुर्घटना भएको प्रारम्भिक अनुमान गरिएको छ। बस चालकलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ।

प्रकाशित मिति: शनिबार, वैशाख २६, २०८३ १०:५०

प्रतिक्रिया दिनुहोस्