गहवामाई रथयात्राको महाभण्डारापछि बाँकी खाद्यान्न मानव सेवा आश्रमलाई हस्तान्तरण

समाज

गृहपृष्ठ
समाज

गहवामाई रथयात्राको महाभण्डारापछि बाँकी खाद्यान्न मानव सेवा आश्रमलाई हस्तान्तरण

choicekhabar शनिबार, साउन २, २०८३

गहवामाई रथयात्राका अवसरमा सञ्चालन गरिएको महाभण्डारापछि बचत भएका खाद्यान्न सामग्री शनिबार मानव सेवा आश्रमलाई हस्तान्तरण गरिएको छ।

महाभण्डारामा प्रयोगपछि बाँकी रहेका आटा, तेल, चिनी, मसला लगायतका खाद्यान्न सामग्री आश्रममा आश्रित असहाय, अभिभावकविहीन तथा बेसहारा व्यक्तिहरूको भोजन व्यवस्थाका लागि उपलब्ध गराइएको गहवामाई तिर्थ क्षेत्र बिकाश समितीले जनाएको छ।

आयोजकका अनुसार धार्मिक कार्यक्रमपछि बचत भएका खाद्यान्न सामग्रीलाई सदुपयोग गर्दै सामाजिक उत्तरदायित्व निर्वाह गर्ने उद्देश्यले मानव सेवा आश्रमलाई हस्तान्तरण गरिएको हो।

खाद्यान्न ग्रहण गर्दै मानव सेवा आश्रमका प्रतिनिधिले उक्त सहयोगले आश्रममा आश्रित व्यक्तिहरूको दैनिक भोजन व्यवस्थामा महत्वपूर्ण सहयोग पुग्ने विश्वास व्यक्त गरे। उनीहरूले धार्मिक कार्यक्रममार्फत समाजसेवाको उदाहरण प्रस्तुत गरेको भन्दै आयोजकप्रति आभार पनि प्रकट गरेका छन्।

आयोजकले धार्मिक आस्थासँगै सामाजिक सेवाको भावनालाई समेत प्राथमिकतामा राख्दै आगामी दिनमा पनि यस्ता मानवीय तथा सेवामूलक कार्यलाई निरन्तरता दिने प्रतिबद्धता जनाएको छ।

प्रकाशित मिति: शनिबार, साउन २, २०८३ १७:०७

प्रतिक्रिया दिनुहोस्