मध्य नेपाल सन्देशद्वारा बधाई तथा सम्मान

समाचार

गृहपृष्ठ
समाचार

मध्य नेपाल सन्देशद्वारा बधाई तथा सम्मान

प्रतिक्षा श्रेष्ठ सोमबार, माघ २८, २०८१

वीरगंज । प्रेस चौतारी पर्साको हालै सम्पनन छैठौं जिल्ला अधिवेशनबाट निर्वाचित महिला पदाधिकारी तथा सदस्यहरूलाई मध्य नेपाल सन्देश साप्ताहिकले सम्मान गरेको छ । सोमवार वीरगंज पानीट्यांकी स्थित पत्रिकाको कार्यालयमा बधाई तथा सम्मान कार्यक्रम सम्पन्न भएको हो ।

सो अवसरमा प्रेस चौतारी पर्साका नेतृ तथा मध्य सन्देश साप्ताहिकका सम्पादक कविता खडकाले चौतारी पर्साका नवनिर्वाचित उपाध्यक्ष लक्ष्मी खरेल, सदस्यहरू उर्मिला सापकोटा, रश्मी राजभण्डारी, सवनम भट्टराई शोभा धमला, प्रतिक्षा श्रेष्ठ र प्रदेश परिषद सदस्य निलम पन्तलाई फुलमाला साथै खादा पहिर्‍याएर सम्मान गर्नु भएको थियो ।

सम्पादक खडकाले बधाई तथा शुभकामना मन्तव्य व्यक्त गर्दै संगठन संगठन संगठित हुनका लागि मात्रै नभएर अशल संस्कार र संस्कृतिको अगुवाई गर्नका लागि पनि भएको बताउनु भयो । अग्रजलाई सम्मान, सानालाई मायाँ र हौसला प्रदान गर्नु चौतारीको संस्कार भएको स्मरण गराउँदै उनले यस तर्फ नेतृत्वले ध्यान दिन सक्नु पर्ने विचार व्यक्त गर्नु भयो ।

कार्यक्रममा सम्मानितहरूको तर्फबाट चौतारीका जिल्ला उपाध्यक्ष खरेलले मन्तव्य व्यक्त गनुै भएको थियो । सामाजिक र संगठनात्मक रुपमा पनि महिलालाई हतोत्साहित गर्न खोज्ने मानसिकता अझै रहेको बताउँदै उनले सञ्चार क्षेत्रमा समेत विभेद यथावत रहेको दावी गर्नुभयो । अवरोध र अप्ठ्याराहरूले नै मानिसलाई शसक्त बनाउँछ भन्दै उपाध्यक्ष खरेलले अधिकार मागेर होइन खोसेर लिनु पर्ने र त्यसको लागि संगठन आवश्यक पर्ने विचार व्यक्त गर्नुभयो ।