जनमत पार्टी वीरगन्ज महानगरको बैठक सम्पन्न, अध्यक्ष राउतको उपस्थितिमा हुने कार्यक्रमलाई भव्य गर्ने निर्णय

राजनीति

गृहपृष्ठ
राजनीति

जनमत पार्टी वीरगन्ज महानगरको बैठक सम्पन्न, अध्यक्ष राउतको उपस्थितिमा हुने कार्यक्रमलाई भव्य गर्ने निर्णय

choicekhabar शनिबार, वैशाख १३, २०८२

जनमत पार्टी वीरगन्ज महानगर समितिको बिस्तारीत बैठक आज सम्पन्न भएको छ ।जिल्ला पार्टी कार्यालयमा बैठक सम्पन्न भएको जिल्ला अध्यक्ष ओमप्रकाश सर्राफले बताए । बैठकले १४ दिन पछाडि पार्टी अध्यक्ष डा। सिके राउतको उपस्थितिमा हुने कार्यक्रमलाई भव्यरुपमा गर्ने निर्णय गरेको छ ।

यही २७ गते जिल्लाको विभिन्न ठाउँमा राखिएको कार्यक्रमको शान्तिपूर्णरुपमा गर्ने निर्णय गरेको जनमत पर्सा अध्यक्ष सर्राफले जनाए । उनका अनुसार वैशाखको अन्तिम साता जिल्लाको विभिन्न पालिकामा कार्यक्रमहरु राखिएको छ, त्यसको व्यवस्थापन र तयारीको बारेमा आज बैठक बसेर सामूहिक छलफल गरिएको हो ।

मधेसको उत्थानका लागि जनमत पार्टीले अहिले गाउँगाउँमा गएर जनताको समस्या बुझ्‌ने रणनीतिमा छ । त्यही रणनीतिअनुरुप जनमत पर्साले विभिन्न पालिकाको जनताको समस्याबारे उच्च तहका नेतालाई जानकारी गराउने हेतुले कार्यक्रमहरु आयोजना गरिरहेको जनाएको छ ।

उक्त दिन जमनत अध्यक्ष डा राउत आमसभाको कार्यक्रमसंगै जिल्लाका नेता कार्यकर्ता एवम सर्वसाधारण भेट्ने कार्यतालिका रहेको जनमत पार्टी पर्साले जानकारी दिएको छ ।

महानगरको अध्यक्ष महादेव शर्माको अध्यक्षतमा सम्पन्न बैठकमा केन्द्रिय सदस्यहरु श्याम गुप्ता , रम्भा मिश्र, अनुराग द्विवेदी, अनिता रौनियार, नजमा खातुन, सन्तोष साह ,जिल्ला उपाध्यक्ष अमरनाथ सिह राठौर सहित ३२ वटै वडाका एकाइ अध्यक्षहरुको सहभागिता थियो ।

प्रकाशित मिति: शनिबार, वैशाख १३, २०८२ १७:३०

प्रतिक्रिया दिनुहोस्