जनता समाजवादी पार्टीद्वारा वीरगञ्जमा वृहत् अन्तरक्रियासहितको खबरदारी सभाको आयोजना

समाचार

गृहपृष्ठ
समाचार

जनता समाजवादी पार्टीद्वारा वीरगञ्जमा वृहत् अन्तरक्रियासहितको खबरदारी सभाको आयोजना

choicekhabar शनिबार, जेठ ३, २०८२

जनता समाजवादी पार्टी नेपाल पर्साले खबरदारी सभा आयोजना गरेको छ । जसपा नेपालले नागरिक अधिकार, समानता, स्वतन्त्रता र सामाजिक न्यायका लागि संयुक्त संघर्ष गर्ने उद्देश्यले खबरदारी सभा आयोजना भएको पार्टी प्रचार प्रसार विभागले जनाएको छ ।

पार्टीको केन्द्रीय परिसंघले देशको सबै उत्पीडित समुदायलाई समेटेर वीरगञ्जमा वृहत् अन्तरक्रियासहितको खबरदारी सभा आयोजना गरेको हो ।

सभामा उक्त कार्यक्रममा दलित, थारु, महिला, आदिवासी जनजाति, पिछडावर्ग, मुस्लिम र अल्पसंख्यक समुदायसँग सम्बन्धित नेतृत्व, संघ–संस्था तथा व्यक्तित्वहरूको सक्रिय सहभागीता छ ।
उत्पीडित समुदायहरूको राष्ट्रिय पहिचानको मान्यता, जनसंख्याका आधारमा प्रतिनिधित्व, मानव अधिकारको प्रत्याभूति, सबैलाई गुणस्तरीय शिक्षा, स्वास्थ्य, रोजगारी, सामाजिक सुरक्षा, समानता र सामाजिक न्याय सुनिश्चित गर्न संघर्ष गरिने उल्लेख गरिएको छ ।

सभामा परिसंघको कार्यदिशा, आगामी कार्यभार र उद्देश्यहरू समेटिएको ३५ बुँदे अवधारणा पत्र सार्वजनिक गरिएको छ । कार्यक्रममा जसपा नेपालका अध्यक्ष यादवले १३ पृष्ठको उक्त अवधारणा पत्र प्रस्तुत गरेका हुन् ।

अवधारणा पत्रमा दलित, आदिवासी जनजाति, पिछडावर्ग, थारु, अल्पसंख्यक समुदाय र महिलामाथि भइरहेको आर्थिक, सामाजिक, धार्मिक, सांस्कृतिक र राजनीतिक असमानता, विभेद, शोषण र उत्पीडन अन्त्य गर्ने उल्लेख छ ।

प्रकाशित मिति: शनिबार, जेठ ३, २०८२ १७:०७

प्रतिक्रिया दिनुहोस्