केही ठाउँमा बिहानैदेखि वर्षा : हावाहुरी, मेघगर्जन र चट्याङसहित पानी पर्ने सम्भावना

समाचार

गृहपृष्ठ
समाचार

केही ठाउँमा बिहानैदेखि वर्षा : हावाहुरी, मेघगर्जन र चट्याङसहित पानी पर्ने सम्भावना

choicekhabar आइतबार, जेठ ४, २०८२

काठमाण्डौ : देशका केही ठाउँमा आज बिहानैदेखि पानी परिरहेको छ । काठमाण्डौ उपत्यकामा बिहान हल्का वर्षा भएको छ । त्यस्तै कोशी, गण्डकी र लुम्बिनी प्रदेशका केही ठाउँमा पनि हल्कादेखि मध्यम वर्षा भइरहेको जल तथा मौसम पूर्वानुमान महाशाखाले जनाएको छ ।

अहिले पश्चिमी तथा स्थानीय वायुको प्रभाव रहेको छ । साथै बङ्गालको खाडी र अरब सागरबाट आएको जलवाष्पयुक्त हावाको समेत आंशिक प्रभाव रहेको महाशाखाले जनाएको छ । आज दिउँसो कोशी, मधेस, बागमती, गण्डकी र लुम्बिनी प्रदेशलगायत देशका पहाडी भागमा आंशिकदेखि साधारणतया बदली रही बाँकी भागमा मौसम आंशिक बदली रहने अनुमान छ ।

पहाडी क्षेत्रमा कतै कतै मेघगर्जन र चट्याङसहित हल्कादेखि मध्यम वर्षा तथा तराईरमधेसमा हावाहुरीसहित पानी पर्न सक्ने सम्भावना रहेको मौसमविद् डेभिड ढकालले जानकारी दिनुभयो । उहाँका अनुसार मधेसलगायत कोशी, लुम्बिनी र सुदूरपश्चिम प्रदेशको तराईका भागका केही ठाउँमा हावाहुरीको पनि सम्भावना छ ।

उच्च पहाडी तथा हिमाली एकरदुई ठाउँमा हल्का वर्षा र हिमपातको सम्भावना छ । आज राति कोशी, मधेस, बागमती, गण्डकी र लुम्बिनी प्रदेशलगायत देशका पहाडी भागमा आंशिकदेखि साधारणतया बदली रही रहने सम्भावना छ । प्रि–मनसुनी प्रणाली अझै केही दिन रहने मौसमविद्को अनुमान छ ।

प्रकाशित मिति: आइतबार, जेठ ४, २०८२ १०:२०

प्रतिक्रिया दिनुहोस्