वीरगन्जका सुनचाँदी व्यवसायीहरूले पसलमा ताल्चा लगाइ चाबी जिल्ला प्रशासन कार्यालयमा बुझाए

समाचार

गृहपृष्ठ
समाचार

वीरगन्जका सुनचाँदी व्यवसायीहरूले पसलमा ताल्चा लगाइ चाबी जिल्ला प्रशासन कार्यालयमा बुझाए

choicekhabar बिहीबार, जेठ २९, २०८२

सुनमा विलासिता कर र हिरामा १३ प्रतिशत मूल्य अभिवृद्धि कर लगाएको विरोधमा वीरगन्जका सुनचाँदी व्यवसायीहरूले पसलमा ताल्चा मारेर चाबी जिल्ला प्रशासन कार्यालयमा बुझाएका छन्।

आगामी आर्थिक वर्ष २०८२र०८३ का लागि सरकारले ल्याएको बजेटमा सुनमा २ प्रतिशत विलासिता कर र हिरामा १३ प्रतिशत मूल्य अभिवृद्धि कर ९भ्याट० लगाएको विरोधमा देशभरका सुनचाँदी व्यसायीहरु बिहीबारदेखि पसल बन्द गरेर आन्दोलनमा उत्रिएका छन्।

त्यसै क्रममा वीरगन्जका सुनचाँदी व्यवसायीहरूले पनि बिहीबार आआफ्ना पसल बन्द गरेर चाबी जिल्ला प्रशासन कार्यालयमा बुझाएका हुन्। पर्सा सुनचाँदी व्यवसायी संघका अध्यक्ष भूलन साह सोनारको नेतृत्वमा विरोध र्‍याली निकालेर जिल्ला प्रशासन कार्यालयमा पुगेका सुनचाँदी व्यवसायीहरूले सहायक प्रमुख जिल्ला अधिकारी सुमन कार्कीलाई ७ बुँदे मागसहितको ज्ञापनपत्र र पसलको चाबी बुझाएका हुन्। विरोध र्‍याली र चाबी बुझाउने कार्यक्रममा पर्सा सुनचाँदी कालीगढ संघको पनि सहभागिता थियो।

पर्सा सुनचाँदी व्यवसायी संघले सहायक प्रमुख जिल्ला अधिकारी कार्कीलाई बुझाएको ज्ञापनपत्रमा सुन तथा सुनका गहनामा लगाइएको २ प्रतिशत विलासीता कर खारेज हुनुपर्ने, हिरा–जवाहरत जडित गरगहनामा लगाइएको १३ प्रतिशत भ्याट खारेज हुनुपर्ने, सुनचाँदीको कारोबारलाई प्रोत्साहित गर्न ऐन, नियम तथा नीतिहरू बनाउनुपर्ने, छिमेकी देश भारतको सरह नेपालमा पनि सुनमा भन्सार कर ६ प्रतिशत लागू गर्नुपर्ने लगायतका मागहरू उल्लेख छ।

सरकारले आगामी बजेटमार्फत सुनमा २ प्रतिशत विलासीता र हिराजडित गरगहनामा १३ प्रतिशत भ्याट लगाएको विरोधमा आन्दोलनमा उत्रिनु परेको पर्सा सुनचाँदी व्यवसायी संघका अध्यक्ष भुलन साह सोनारले बताए।

प्रकाशित मिति: बिहीबार, जेठ २९, २०८२ १८:२९

प्रतिक्रिया दिनुहोस्