सरकार जनहितमा काम गर्न नसकेको काँग्रेस नेता महरको आरोप

राजनीति

गृहपृष्ठ
राजनीति

सरकार जनहितमा काम गर्न नसकेको काँग्रेस नेता महरको आरोप

choicekhabar बिहीबार, असार १२, २०८२

नेपाली काँग्रेसका केन्द्रीय सदस्य तथा शिक्षा विभाग प्रमुख नैनसिंह महरले सरकार बनेको एक वर्ष बितिसक्दा पनि जनतामा उत्साह जगाउने काम गर्न नसकेको दावी गरेका छन । वीरगजमा प्रेस युनियन पर्साले आयोजनामा गरेको पत्रकार सम्मेलनमा बोल्दै महरले जनचाहना अनुरुप सरकार काम गर्न नसकेको गुनासो गरे ।

उनले भने, “संघ, प्रदेश र स्थानीय तह सबैमा काँग्रेस सबैभन्दा ठूलो दल हो, तर सरकारमा काँग्रेसको भूमिका कमजोर हुँदै गएको छ । जनतासँग जोडिएको कुनै उत्साहजनक काम नभएपछि पार्टी बदनाम भइरहेको छ ।”
महरले वर्तमान सरकारले मधेस प्रदेशसँग बजेटको बाँडफाँडमा विभेदपूर्ण व्यवहार गरेको आरोप पनि लगाए । उनले राजनीतिक दलका नेता–कार्यकर्ता इमानदार र चरित्रवान भए मात्रै सरकार जनहितमा काम गर्न सक्ने भन्दै सबै दलभित्र शुद्धीकरण आवश्यक रहेको धारणा राखे । उनले काँग्रेसको शुद्धीकरण अभियान नेतृत्वबाटै सुरु हुनुपर्नेमा जोड दिए ।

त्यस्तै, महरले काँग्रेसको १५औँ महाधिवेशन तोकिएको समयमा हुन कठिन देखिएको र त्यसका लागि नेता–कार्यकर्ताबाट दबाब आवश्यक भएको बताए ।

पत्रकार सम्मेलनमा वीरगञ्ज महानगरका उपमेयर इम्तियाज आलम, काँग्रेसका पूर्व क्षेत्रीय सभापति विजय सर्राफ, प्रेस युनियनका केन्द्रीय सदस्य श्रीराम रायमाझीलगायतको सहभागिता थियो ।

प्रकाशित मिति: बिहीबार, असार १२, २०८२ १८:१६

प्रतिक्रिया दिनुहोस्