जनस्वास्थ्य कार्यालय पर्साका अधिकृत जयमोद ठाकुरले मादक पदार्थ सेवन गरी पत्रकारमाथि गरे दुव्र्यहार

समाचार

गृहपृष्ठ
समाचार

जनस्वास्थ्य कार्यालय पर्साका अधिकृत जयमोद ठाकुरले मादक पदार्थ सेवन गरी पत्रकारमाथि गरे दुव्र्यहार

choicekhabar आइतबार, असार २२, २०८२

जनस्वास्थ्य कार्यालय पर्साका अधिकृत जयमोद ठाकुरले मादक पदार्थ सेवन गरेर पत्रकारमाथि दुव्र्यहार गरेका छन् । जिल्लास्वास्थ्य कार्यालय पर्साले क्लासिक बंक्वेटमा आयोजना गरेको अभिमूखीकरण कार्यक्रममा मदिरा सेवन गरेर तालिम दिएका ठाकुरले पत्रकारहरुलाई अपशब्दले गालीगलौज गर्दै दूव्र्यवहार गरेका हुन् ।

चलचित्र पत्रकार संघलेले क्लासिक बंक्वेटमै एउटा चलचित्रको पोष्टर सार्वजनिक गर्ने कार्यक्रममा गएका पत्रकारहरुलाई ठाकुरले बाहिर आएर अपशब्द प्रयोग गर्दै दुव्र्यवहार गरेका थिए । उनले गालीगलौज र दुव्र्यवहार गर्न थालेपछि पत्रकारले मदिरा सेवन गरेका आएको हो ? भन्ने प्रश्न गरेपछि उनी त्यहाँबाट भागेका थिए ।

पत्रकारहरुले भने उनलाई बोलाएर मादक पदार्थ सेवन परीक्षण गर्नुपर्ने माग गरेका छन् । सरकारी कर्मचारी त्यसमा पनि स्वास्थ्य क्षेत्रमा काम गर्नेले डिउटीमै रहेको बेलामा मदिरा सेवन गरेर पत्रकारलाई गाली गर्दै दूव्र्यवहार गर्नु एकदमै निन्दनीय घटना रहेको आम नागरिकले बताएका छन् । उनलाई नियन्त्रणमा लिएर मापसे चेक गर्नुपर्ने पत्रकाहरुको माग रहेको छ ।

स्वास्थ्य जस्तो संवेदनशील विषयको अभिमूखीकरणमा स्वास्थ्य निरीक्षक नै मदिरा सेवन गरेर आउछ भन्ने कस्तो अभिमूखीकरण हुन्छ ? भन्ने गम्भीर प्रश्न खडा भएको छ । घटनापछि उनी कार्यक्रमस्थल छोडेर भागेका छन् । उनी भागेपछि तालिममा सहभागी केही स्वास्थ्यकर्मीहरुले समेत पत्रकारमाथि आक्रमण गरेका थिए ।

आफूलाई सूचनाको हकको अभियन्ता, पत्रकार समेत भनेर चिनाउन खोज्ने ठाकुर शक्तिको दम्भ देखाउने खोज्ने गरेको जानकारहरु बताउछन् । घटनाको प्रमुख जिल्ला अधिकारी र प्रहरी उपरीक्षकलाई समेत जानकारी गराईसकेको र उनलाई नियन्त्रणमा लिएर मापसे चेक गराउने प्रशासनले आश्वासन दिएको छ ।

प्रकाशित मिति: आइतबार, असार २२, २०८२ १८:२७

प्रतिक्रिया दिनुहोस्