बारामा सार्वजनिक सुनुवाई कार्यक्रम सम्पन्न

समाचार

गृहपृष्ठ
समाचार

बारामा सार्वजनिक सुनुवाई कार्यक्रम सम्पन्न

choicekhabar बिहीबार, असार २६, २०८२

दिपेन्द्र जयसवाल
सुशासन पारदर्शीता जवाफ देहिता कलैया उपमहानगरको प्रतिबद्धता भन्ने नारा सहित विहिवार कलैया उपमहानगरपालिका वडा नम्बर २७ बरवा टोल स्थित श्री नेरा आधारभुत बिधालयमा सार्वजनिक सुनुवाई कार्यक्रम सम्पन्न भएको छ । प्रमुख अतिथी नगर प्रमुख बिनोद साहले कार्यक्रममा उठेका सबै प्रशनको जवाफ दिनुभएको छ ।

उनले सरसफाइ,शिक्षा र कृषि एवम किसानको बिकास मा आफू लागेको बताउदै शहरी छेत्रको बिकास पछि अब पुर्ण रुपले पालिकाको ग्रामीण भेगमा आफुले ध्यान दिने गरेको बताएका छन ।
उठेका जिज्ञासाको जवाफ दिदै प्रमुख प्रशासकिय अधिकृत नाथु साहले सरकारको राजस्व संकलन घट्दा जन चाहना समेट्न समस्या बढेको बताएका छन । उनले सिमित श्रोत साधनमा अधिकतम जनताको भावनालाई समेट्ने प्रयास गरिएको बताएका छन ।

सुनुवाईका क्रममा स्थानिय नागेन्द्र कुश्वाहा,बलिराम चौधरी,राज बन्सी सहनी,जोधालाल सहनी,बन्शी मिया,जवाहरलाल सहनी,छोटेलाल महतो,भगिया देबि,द्वारिका सहनी,शर्मा सहनी,उमेश सहनी,हृदय नारायण कुश्वाहा,अनरजित चौधरी,हरि सहनी,जिरा महतो कोईरी,उमाशन्कर चौधरी,सुकदेव यादव,शम्भु पटेल,बलिराम यादव,अजय तिवारी लगायतकाले कलैया उपमहानगर सरकार सङ्ग विभिन्न प्रश्न र जिज्ञासा राखेका थिए ।

सेवा प्रदायक संस्था आईएसआरपिटि का अध्यक्ष जितेन्द्र यादवले स्वागत मन्तव्य दिदै पालिका बाट प्रवाह हुने सेवा सहज रुपमा पुगे नपुगेको,नगरबाट आउने योजना पालिकामा भयो कि नाई यी तमाम बिषयमाथी खुल्ला छलफल हुने बताए । सार्वजनिक सुनुवाइले पारदर्शिता,जवाफदेहीता,र निर्णय प्रक्रियामा लोकतान्त्रिक सहभागिताका लागि एक सम्यन्त्रको रुपमा काम गर्दछ भने ।

वडा अध्यक्ष अशोक तिवारीको अध्यक्षता तथा नगर प्रमुख बिनोद साहको प्रमुख आतिथ्यमा भएको कार्यक्रममा बिशिस्ट अतिथि प्रमुख प्रशासकिय अधिकृत नाथु साह,स्थानिय शासन बिज्ञ नजबुल्लाह अन्सारी,महेशपुर स्वास्थ्य चौकी ईन्चार्ज भागिरथ साह,विभिन्न बिधालयका प्रधानाध्यापक,सन्चारकर्मी तथा स्थानिय जनताको बाक्लो उपस्थिति रहेको थियो ।