बेपत्ती रुसी विमान जलिरहेको अवस्थामा फेला, कोही पनि जीवित नभएको अनुमान

समाचार

गृहपृष्ठ
समाचार

बेपत्ती रुसी विमान जलिरहेको अवस्थामा फेला, कोही पनि जीवित नभएको अनुमान

choicekhabar बिहीबार, साउन ८, २०८२

काठमाडौं । रुसको सुदूर पूर्वमा ४९ जना सवार विमान दुर्घटनाग्रस्त भएको छ । ‘आङ्गारा एयरलाइन्स’को एएन– २४ (An-24) मोडेलको उक्त विमान ब्लागोभेस्चेन्स्कबाट चीनसँग सिमाना जोडिएको आमूर क्षेत्रको टिण्डा शहरतर्फ जाँदै गर्दा रडारबाट हराएको थियो ।

बेपत्ता पछि खोजी कार्यमा हेलिकोप्टर र ड्रोन प्रयोग गरिएको थियो । रुसको आपत्‌कालीन मन्त्रालयले रुसी नागरिक उड्डयन हेलिकोप्टरले विमानको जलिरहेको भाग देखेको जनाएको छ ।

रिपोर्टका अनुसार कोही पनि जीवित नभएको अनुमान गरिएको छ । तास समाचार एजेन्सीकाअनुसार अमुरको नागरिक रक्षा केन्द्रले विमान टिन्डाबाट लगभग १६ किलोमिटर ९१० माइल० टाढा पहाडको भेगमा फेला परेको बताएको छ ।

घटनास्थलबाट प्राप्त फुटेजमा विमानको भग्नावशेष घना जंगलमा जलिरहेको देखिएको छ । आपत्‌कालीन अधिकारीहरूका अनुसार प्रारम्भिक अनुसन्धानमा खराब मौसमका कारण पाइलटको गल्ती वा प्राविधिक खराबीलाई हेरिएको छ ।

क्षेत्रीय गभर्नर भासिली ओर्लोभले टेलिग्राममार्फत् जानकारी दिँदै भने, “पूर्व विवरणअनुसार विमानमा ४३ जना यात्रुहरू थिए, जसमा ५ जना बालबालिका थिए । साथै, ६ जना चालक दलका सदस्यहरू पनि सवार थिए ।”

तर, रूसी आपत्‌कालीन मन्त्रालयले यात्रुको संख्या केही फरक दिएको छ । मन्त्रालयका अनुसार विमानमा करिब ४० जना मात्र सवार थिए ।

सन् १९६० को दशकमा निर्मित एएन-२४ विमानहरू रूस तथा अन्य केही पूर्व सोवियत मुलुकहरूमा अझै पनि प्रयोगमा रहेका छन् । यस्ता विमानहरू प्रायः दुर्गम क्षेत्रहरूमा यात्रु तथा सामान ओसारपसारमा प्रयोग गरिन्छन् ।

प्रकाशित मिति: बिहीबार, साउन ८, २०८२ १३:५१

प्रतिक्रिया दिनुहोस्