‘माइक अप’ मा नेपालको प्रतिनिधित्व गर्दै थाईल्याण्ड उडे पर्साका दुई छात्रा, प्याब्सनले गर्‍यो बिदाई

समाचार

गृहपृष्ठ
समाचार

‘माइक अप’ मा नेपालको प्रतिनिधित्व गर्दै थाईल्याण्ड उडे पर्साका दुई छात्रा, प्याब्सनले गर्‍यो बिदाई

choicekhabar

जगत राई

बुधबार, भदौ ११, २०८२

जगत राई

बीरगञ्जस्थित प्याब्सन पर्सा सदस्य विद्यालय गौतम स्कुलकी स्वरा झा र नेशनल इन्फोटेक कलेजकी सारा श्रेष्ठ प्रतिष्ठित ‘माइक अप’ अङ्ग्रेजी वक्तृत्वकला प्रतियोगिताको सेमिफाइनल चरणमा प्रतिस्पर्धा गर्न बुधबार थाइल्यान्डमा उडेका छन् ।
बुधबार त्रिभुवन अन्तर्राष्ट्रिय विमानस्थलमा प्याब्सन पर्साका जिल्ला कार्यसमिति सदस्य सुशील केसीले दुवै छात्रालाई सफलताको शुभकामना दिदैं खादा ओढाएर बिदाई गरेका छन् । छात्रासँगै गौतम स्कूलका शिक्षक एल्बिन रेन्जरलाई पनि केसीले खादा ओढाएर बिदाई गरे । बिदाई गदैै उनले यस किसिमको अन्र्तराष्ट्रिय प्रतियोगितामा प्रतिनिधित्वमा गर्ने अवसर पाउनु सुखद र गर्वको कुरा भएको बताउदैं अझ पर्सा जिल्लाको समेत नाम दुवै छात्राले उच्च बनाएको भन्दै खुशी व्यक्त गरे ।
नेपालमा भएको प्रारम्भिक चरणको प्रतियोगितामा उत्कृष्ट प्रदर्शन गर्दै दुई छात्राहरूले आगामी भदौ ११ गतेदेखि १५ गतेसम्म थाइल्यान्डको बैंककमा आयोजना हुने सेमिफाईनल चरणमा प्रतिस्पर्धा गर्दैछन् । बीरगन्ज महानगरपालिका–३ निवासी राजबहादुर श्रेष्ठ र सिता थापा श्रेष्ठकी छोरी सारा श्रेष्ठ नेशनल इन्फोटेक कलेजमा कक्षा १२ मा अध्ययनरत छिन् ।

उनले सिनियर विधामा छनौट भएर सेमीफाइनलमा स्थान बनाएकी छन् । यसैगरी, वीरगञ्ज महानगरपालिका–१२ निवासी रविन्द्र झा र अनामिका झाकी छोरी स्वरा झा गौतम स्कुलको कक्षा ९ मा अध्ययनरत छिन् । जुनियर विधामा छनौट भएकी स्वरा पनि पढाइसँगै वक्तृत्वकलामा उत्कृष्ट प्रदर्शन गर्दै आएकी छन् । सेमीफाइनलमा उत्कृष्ट प्रदर्शन गरेमा उनीहरूले चीनमा हुने फाइनलमा सहभागिता जनाउने अवसर प्राप्त गर्नेछन् ।

प्रकाशित मिति: बुधबार, भदौ ११, २०८२ १७:२३

प्रतिक्रिया दिनुहोस्