चार महिला सहित १७ जनाले गरे रक्तदान

समाचार

गृहपृष्ठ
समाचार

चार महिला सहित १७ जनाले गरे रक्तदान

choicekhabar शुक्रबार, भदौ १३, २०८२

पर्सा — सामाजिक संस्था जिल्ला समन्वय समिति (NGOCC) पर्साले शुक्रबार वीरगञ्जमा आकस्मिक खुल्ला रक्तदान कार्यक्रम आयोजना गरेको छ। “रक्तदान जीवन दान, सेवा नै धर्म” भन्ने नारासहित सम्पन्न कार्यक्रममा चार महिला सहित १७ जनाले रगतदान गरेका हुन्।

कार्यक्रमको अध्यक्षता समिति अध्यक्ष इब्राहिम देवानले गर्नुभएको थियो भने प्रमुख अतिथि नेपाल रेडक्रस सोसाइटी मधेस प्रदेशका सभापति फुलमहम्मद मियाँ हुनुहुन्थ्यो। प्रमुख अतिथि मियाँले रगतको अभाव तीव्र रूपमा बढिरहेको बेला सामाजिक संस्थाले गरेको यस्तो पहल महत्त्वपूर्ण भएको टिप्पणी गर्नुभयो।

रक्तदान गर्नेहरूमा चन्देश चौहान, रामअयोध्य यादव, बिशाल गुप्ता, केशर जाहन, उम्रावति देवी, अन्सार मियाँ, पूजा कुमारी, गिरिया देवी कानु, विक्रम साह, अन्त यादवलगायत १७ जनाले रक्तदान गरेका थिए ।

कार्यक्रममा नेपाल रेडक्रस सोसाइटी पर्साका सभापति बृजकिशोर पटेल, समिति पूर्व महासचिव रामप्रवेश साह, दिब्य विकास स्रोत केन्द्रका कार्यकारी निर्देशक रामाकान्त पटेल, काशी प्रसाद साह, जयकान्त उपाध्याय, रक्त संचार केन्द्रका प्रविधिक धिरेन्द्र झा, जितेन्द्र कुशुवाहा ,सन्तोष पटेललगायतको उपस्थिति रहेको थियो।

सामाजिक संस्था जिल्ला समन्वय समितिका जिन्सी प्रमुख दुलारचद साहका अनुसार आकस्मिक रक्तदानमार्फत १७ यूनिट रगत संकलन भएको हो। कार्यक्रमको स्वागत मन्तव्य संस्थाका उपाध्यक्ष चन्देश चौहानले प्रस्तुत गर्नुभएको थियो।

प्रकाशित मिति: शुक्रबार, भदौ १३, २०८२ १२:०१

प्रतिक्रिया दिनुहोस्