विराटनगर । वाणिज्य विभागका महानिर्देशक र शाखा अधिकृतको कीर्ते हस्ताक्षर तथा विभागको नक्कली छाप प्रयोग गरेर ५\५ हजार टन केराउ र पोस्तादानाको अनुमति पत्र बनाएको पाइएको छ ।
काठमाडौं कुलेश्रवरको व्यापारी रमेशकुमार जलान र वीरगंजका पवनकुमार साहले कीर्ते हस्ताक्षर नक्कली छाप र कागजको प्रयोग गरेर अनुमतिपत्र बनाएका हुन् । यसरी कीर्ते सहीछाप गरेर ल्याइएको केराउ वीरगंज भन्सारमा रोकिएको छ ।
वीरगंज भन्सारले डकुमेन्ट शंकास्पद रहेको भन्दै केराउ रोकेको हो । वीरगंजका प्रमुख भन्सार अधिकृत रामप्रसाद पाठकले डकुमेन्ट पुरा नभएकाले भन्सार परीसरमा केराउ रोकेर राखेको पुष्टि गरे ।
पाठकले भने,हामी केही डकेमेन्ट भेरीफाई गर्दैर्छौ । कार्यालयले आयातको अनुमति सक्कली हो की होइन भने वाणिज्य आपुर्ति तथा उपभोक्ता संरक्षण विभागलाई पत्राचार गर्दैछौं । विभागबाट जवाफ आएपछि सोही बमोजिम कार्यसम्पादन अधि बढ्छ ।
वीरगंजका व्यवसायी पवनकुमार साहले विभागका तत्कालीन महानिर्देशक कुमारप्रसाद दहालको कीर्ते हस्ताक्षर गरेर पोस्तादाना आयात गरेका हुन् । उनले सत्यम् एग्रोका नाममा ५ हजार टन केराउ आयातको अनुमति पत्र बनाएका छन् । पत्रमा तत्कालीन डीजी दाहालको हस्ताक्षर छ ।
त्यसैगरी पोस्तादाको अनुमतिपत्रमा भने विभागका शाखा अधिकृत प्रहाद सापकोटाको हस्ताक्षर छ । तत्कालीन डीजी दाहालले आफुले पोस्तादाना केराउ आयातको कुनै पनि अनुमतिपत्रमा हस्ताक्षर नगरेको र हस्ताक्षर गर्न कसैलाई अनुमति नदिएको बाताए ।
यो सरासर कीर्ते हो । नक्कली हस्ताक्षर हो । योस्तो अभ्यास गर्नेलाई कानुनी कारवाही हुन्छ । यो अक्षम्य अपराध हो ।
सहसचिव दाहालका अनुसार विभागबाट यसरी आयातको अनुमतिपत्र जारी हुँदा कुनै पनि आयातकर्ता हार्डकपी दिइँदैन । सफ्टकपी मात्र दिइन्छ , त्यो डिजिटल कपी हुन्छ । त्यस्तै पत्रमा डीजिको हस्ताक्षर हुदैंन ।
जबकी सत्यम् एग्रो उल्लेख पत्रमा डीजीको हस्ताक्षर छ । यस्तो पत्र नेपाली भाषामा होइन , अंग्रेजीमा जारी गरीन्छ । त्यसैले यो पत्र कीर्ते र नक्कली हो ।
उनले आफु जुन दिन सरुवा भएका हो त्यही मितिको पत्र रहेको भन्दै आश्रर्य व्यक्त गरे । मैले सही गरेर हिँडेको हुँ भने आरोप कसैले लगाउँछ भने त्यो सरासार झुठो र कपोलकल्पित हो । सरुवा भएर हिड्ने बेलामा मैले कुनै आयातको अनुमतिपत्रमा हस्ताक्षर गरेको वा गर्न लागाएको छैन ।
दाहालका अनुसार यस्तै नक्कली हस्ताक्षर र कागजात खडा गरेर यसअघि पनि पोस्तादाना आयात गरीएको थियो । म विभागको महानिर्देशक हुँदा यसको छानविनका लागि सीआईवीलाई लेखेर पठाएको थिएँ । तर अहिले सम्म केही भएजस्तो लागेको छैन । 
-1756462703.jpg)
