धनुषामा राति पसल फोड्ने गिरोह पक्राउ, थप अनुसन्धान जारी: प्रहरी निरीक्षक यादव : चोरीजस्तो अपराध सहन सकिँदैन

समाचार

गृहपृष्ठ
समाचार

धनुषामा राति पसल फोड्ने गिरोह पक्राउ, थप अनुसन्धान जारी: प्रहरी निरीक्षक यादव : चोरीजस्तो अपराध सहन सकिँदैन

choicekhabar शुक्रबार, भदौ १३, २०८२

आनन्द पटेल

वीरगञ्ज : धनुषा जिल्लाको गणेशमान चारनाथ नगरपालिका–८ स्थित अजय कुमार साहको मोबाइल पसल फोडी चोरी गर्ने तीन जनालाई प्रहरीले पक्राउ गरेको छ। गत भदौ २१ गते बिहान करिब ३:४५ बजे साहको पसलमा अज्ञात समूहले ढोका फोडी पसलभित्र रहेका विभिन्न कम्पनीका मोबाइल फोनसहितका सामान चोरी गरेको थियो। चोरीमा संलग्न समूहले पसलबाट १९ थान मोबाइल (एन्ड्रोइड र बटन सेट दुवै), घडी, क्यामेरा स्टेप, मोबाइल चार्जर, स्पिकर, टर्च लगायतका सामान समेत लगेका थिए। पसलमा जडान गरिएको CCTV फुटेजको आधारमा अनुसन्धान अघि बढाएको प्रहरीले केही दिनमै घटनामा संलग्न तीन जनालाई नियन्त्रणमा लिन सफल भएको हो। पक्राउ परेका व्यक्तिहरु अन्जुन मुखिया (२० वर्ष), गणेशमान चारनाथ नगरपालिका–९ सिन्दुर साह (१८ वर्ष), सोही नगरपालिका–९ कृष्ण मण्डल (२२ वर्ष), सोही नगरपालिका–९ प्रहरीको भनाइ इलाका प्रहरी कार्यालय गोधुलियाका कार्यालय प्रमुख प्रहरी निरीक्षक जटाशंकर यादवले भने, “चोरीजस्तो अपराधलाई कुनै हालतमा सहन सकिँदैन। CCTV फुटेजको आधारमा छोटो समयमा नै तीन जना आरोपितलाई पक्राउ गर्न सफल भएका छौँ। उनीहरूमाथि चोरी तथा घरफोडा सम्बन्धी मुद्दा दर्ता गरी कानूनी प्रक्रिया अघि बढाइएको छ। आम नागरिकले पनि आफ्नो पसल तथा घरमा सुरक्षाका उपायहरू अपनाउनुपर्ने आवश्यकता देखिएको छ।” निरीक्षक यादवका अनुसार पक्राउ परेकाहरूमाथि अदालतमा म्याद थप गरी थप अनुसन्धान भइरहेको छ ।

प्रकाशित मिति: शुक्रबार, भदौ १३, २०८२ २२:१८

प्रतिक्रिया दिनुहोस्