समुदाय–प्रहरी सहकार्यको उत्कृष्ट उदाहरणका रूपमा स्मरण गर्दै बिर्ताका प्रमुख प्रहरी निरीक्षक चौलागाईंको गरे सम्मानपूर्वक बिदाई

समाचार

गृहपृष्ठ
समाचार

समुदाय–प्रहरी सहकार्यको उत्कृष्ट उदाहरणका रूपमा स्मरण गर्दै बिर्ताका प्रमुख प्रहरी निरीक्षक चौलागाईंको गरे सम्मानपूर्वक बिदाई

choicekhabar शुक्रबार, असोज ३१, २०८२

सामुदायिक प्रहरी र स्थानीय समाजबीचको सम्बन्ध झन् सुदृढ बनाउने क्रममा सामुदायिक सेवा केन्द्र तथा सामुदायिक प्रहरी सेवा कुम्हालटोलले वडा प्रहरी कार्यालय बिर्ताका प्रमुख प्रहरी निरीक्षक निरोज चौलागाईंलाई सम्मानपूर्वक बिदाई गरेको छ। कुम्हालटोलमा आयोजित विशेष समारोहमा अध्यक्ष रमेश चौधरीको अध्यक्षता र सचिव श्रवन बहादुर रायमाझीको सञ्चालनमा समाजसेवी, सामाजिक अगुवा, सञ्चारकर्मी, पदाधिकारी तथा आजीवन सदस्यहरू सहभागी थिए।

कार्यक्रममा कंचनजंघा स्कुलका निर्देशक माटिन मोक्तानले स्वागत मन्तव्य राखेका थिए भने मुनलाईट स्कुलका सञ्चालक श्याम केसिले चौलागाईंलाई मायाको चिनो प्रदान गरेका थिए। वक्ताहरूले चौलागाईंको कार्यकाललाई समुदाय–प्रहरी सहकार्यको उत्कृष्ट उदाहरणका रूपमा स्मरण गर्दै स्थानीय समस्या समाधानमा उहाँको सक्रियता र नेतृत्वको प्रशंसा गरे।

समारोहमा चौलागाईंलाई खादा, टीका र मायाको चिनो अर्पण गरी बिदाई गरिएको थियो। उहाँको सरुवा काठमाडौं अपराध महाशाखामा भएको हो। सहभागीहरूले उहाँको आगामी कार्यकाल सफल र फलदायी रहोस् भन्ने शुभकामना व्यक्त गरे। अध्यक्ष चौधरीले भने, “निरोज सरले सामुदायिक प्रहरी अवधारणालाई व्यवहारमा उतार्दै समुदाय र प्रहरीबीच विश्वास र सहकार्यको वातावरण निर्माण गर्नुभयो।”

बिदाइ मन्तव्य दिँदै चौलागाईंले समुदायले देखाएको विश्वास र माया आफ्नो लागि ठूलो प्रेरणा भएको उल्लेख गर्दै आगामी दिनमा पनि प्रहरी सेवामार्फत समाज र राष्ट्रका लागि समर्पित भएर काम गर्ने प्रतिबद्धता जनाए।

प्रकाशित मिति: शुक्रबार, असोज ३१, २०८२ १७:३४

प्रतिक्रिया दिनुहोस्