इजरायली हमलामा ज्यान गुमाएका विपिन जोशीको राष्ट्रिय सम्मानसहित अन्त्येष्टि

समाचार

गृहपृष्ठ
समाचार

इजरायली हमलामा ज्यान गुमाएका विपिन जोशीको राष्ट्रिय सम्मानसहित अन्त्येष्टि

choicekhabar मंगलबार, कात्तिक ४, २०८२

हमास समूहको बन्धक बनेका बेला मृत्यु भएका कञ्चनपुरका युवक विपिन जोशीको मंगलबार राष्ट्रिय सम्मानका साथ अन्त्येष्टि गरिएको छ।भुजेला घाटस्थित महाकाली नदी किनारमा प्रमुख जिल्ला अधिकारी लक्ष्मण ढकालले राष्ट्रिय झन्डा ओढाएर अन्तिम बिदाइ गरे। सशस्त्र प्रहरीले सलामी अर्पण गर्दै राष्ट्रका तर्फबाट श्रद्धाञ्जली दिएका थिए। शवयात्रामा नेपालका लागि इजरायली दूतावासका कर्मचारीले इजरायलको राष्ट्रिय झन्डा ओढाउँदै विपिनप्रति श्रद्धाञ्जली व्यक्त गरे।इजरायलबाट सोमबार काठमाडौं ल्याइएको विपिनको शव सेनाको विमानमार्फत धनगढी पुर्‍याइएको थियो। त्यहाँबाट धनगढी उपमहानगरपालिकाको शववाहनमा भीमदत्त नगरपालिका–३ स्थित उनको घरमा लगिएको थियो। मंगलबार बिहान घरबाट हजारौंको सहभागितामा भुजेला घाटसम्म शवयात्रा गरिएको थियो।

शवयात्रामा नेपालका लागि इजरायली राजदूत, पूर्व परराष्ट्रमन्त्री एनपी सावद, पूर्व सांसद तारा लामा तामाङलगायत स्थानीय जनप्रतिनिधि, सामाजिक अगुवा र हजारौं सर्वसाधारण सहभागी थिए।विपिन जोशीको मृत्युले कञ्चनपुरसहित सम्पूर्ण देश शोकमग्न भएको छ।

प्रकाशित मिति: मंगलबार, कात्तिक ४, २०८२ १३:४०

प्रतिक्रिया दिनुहोस्