श्रीसिया खोला प्रदुषण गर्ने कम्पनीको अधिकारीमाथि स्थानीयवासीको आक्रोश,दले कालो मोसो

समाचार

गृहपृष्ठ
समाचार

श्रीसिया खोला प्रदुषण गर्ने कम्पनीको अधिकारीमाथि स्थानीयवासीको आक्रोश,दले कालो मोसो

choicekhabar शुक्रबार, कात्तिक ७, २०८२

छठ पर्व नजिकिँदै गर्दा वीरगञ्ज महानगरपालिका–३२, चोर्नी पर्सामा रहेको नेपाल पेट्रो ल्युब इन्डस्ट्रिज प्रा. लि. का केही अधिकारीमाथि स्थानीयवासीले आक्रोश प्रकट गरेका छन्। कम्पनीबाट उत्पन्न प्रदूषण नियन्त्रणको माग गर्दै करिब ३०–४० जनाको समूहले अधिकारीमाथि कालो मोसो प्रहार गर्दै विरोध प्रदर्शन गरेको थियो। स्थानियहरुले कम्पनीका प्रशासन बिभागका कर्मचारी काशीनाथ तिवारी माथि कालोमोसो दलेका हुन ।
तिवारीले आफु कम्पनीका एक कर्मचारी मात्र भएको र आफुले जिम्मेवारी व्यक्तिलाई जानकारी दिएको बताए । उनले वार्ता र संवाद भईरहेको बेला कालोमोसो दल्ने कामको बिरोध समेत गरे ।

स्थानीयवासीका अनुसार कम्पनीले उत्पादन गर्ने ‘म्याक्सोल ल्युब्रिकेन्ट’ को रासायनिक फोहोर नजिकैको नदीमा फाल्दा पानी अत्यधिक प्रदूषित भएको छ। नदीको दूषित पानीले स्थानीय बासिन्दा र छठ पर्वको तयारीमा रहेका व्रतालुहरूलाई स्वास्थ्य समस्या निम्त्याइरहेको उनीहरूको आरोप छ।

आन्दोलनकारीहरूले विगत एक सातादेखि प्रदूषण रोक्न वा कम्पनी बन्द गर्न माग गर्दै आन्दोलन गर्दै आएका थिए। माग सुन्न नसकिने भएपछि शुक्रबार उनीहरू कम्पनीको भित्री भागमा प्रवेश गरी विरोध प्रकट गरेका थिए। प्रत्यक्षदर्शीहरूले कम्पनी अधिकारीमाथि कालो मोसो प्रहार गरिएको पुष्टि गरेका छन्।

घटनालगत्तै जिल्ला प्रहरी कार्यालय पर्साको टोली पुगेको थियो र अहिले स्थिति नियन्त्रणमा रहेको प्रहरीले जनाएको छ। थप अनुसन्धान जारी छ।

प्रकाशित मिति: शुक्रबार, कात्तिक ७, २०८२ १४:२८

प्रतिक्रिया दिनुहोस्