मक्काबाट मदिना जाँदै गरेको बस दुर्घटना हुँदा ४२ जना भारतीय तीर्थयात्रीको मृत्यु

समाचार

गृहपृष्ठ
समाचार

मक्काबाट मदिना जाँदै गरेको बस दुर्घटना हुँदा ४२ जना भारतीय तीर्थयात्रीको मृत्यु

choicekhabar सोमबार, मंसिर १, २०८२

काठमाडौं । साउदी अरबको मक्काबाट मदिना जाँदै गरेको एउटा यात्रुवाहक बस दुर्घटनामा परेर ४२ जना भारतीय तीर्थयात्रीहरूको ज्यान गएको छ ।

सोमबार बिहान भएको यो भयानक दुर्घटनामा बस डिजेल ट्याङ्करसँग ठोक्किएपछि तुरुन्तै आगलागी भएको थियो, जसका कारण मानवीय क्षति उच्च हुन पुगेको स्थानीय सञ्चारमाध्यमले जनाएका छन् । मृत्यु हुनेमा २० महिला र ११ बालबालिका समेत रहेका छन् ।

प्रारम्भिक रिपोर्टअनुसार, ज्यान गुमाउने सबै यात्रुहरू भारतीय नागरिक हुन्, जसमध्ये धेरैजसो भारतको हैदरावादबाट उमराह (तीर्थयात्रा) का लागि साउदी अरब पुगेका थिए ।
दुर्घटना मदिनाबाट करिब १६० किलोमिटर टाढा मुहरास नजिकै भारतीय समयअनुसार राति करिब १ः३० बजे भएको थियो । रातिको समयमा धेरैजसो यात्रुहरू सुतिरहेको अवस्थामा दुर्घटना भएकाले र त्यसपछि बसमा भीषण आगो फैलिएकाले उनीहरूले जोगिने मौका पाएनन् ।

यस दुखद घटनाप्रति तेलंगाना सरकारले गहिरो दुःख व्यक्त गरेको छ र रियादस्थित भारतीय दूतावाससँग लगातार सम्पर्कमा रहेको बताएको छ । तेलंगानाका मुख्यमन्त्री रेवन्त रेड्डीले दिल्लीस्थित अधिकारीहरूलाई तत्काल दूतावाससँग समन्वय गरेर पीडितहरूको पहिचान र अन्य आवश्यक औपचारिकता तथा सहयोगका लागि निर्देशन दिएका छन् ।

प्रकाशित मिति: सोमबार, मंसिर १, २०८२ ११:५९

प्रतिक्रिया दिनुहोस्