‘हाम्रो संस्कृति, हाम्रो पहिचान’ मूलनारासहित ज्ञानदा एकेडेमीद्वारा अन्तरविद्यालय नृत्य प्रतियोगिता सम्पन्न ,मनकामना मावि प्रथम

स्वास्थ्य/शिक्षा

गृहपृष्ठ
स्वास्थ्य/शिक्षा

‘हाम्रो संस्कृति, हाम्रो पहिचान’ मूलनारासहित ज्ञानदा एकेडेमीद्वारा अन्तरविद्यालय नृत्य प्रतियोगिता सम्पन्न ,मनकामना मावि प्रथम

choicekhabar शुक्रबार, मंसिर १२, २०८२

वीरगञ्ज : ज्ञानदा एकेडेमीको आयोजनामा ‘हाम्रो संस्कृति, हाम्रो पहिचान’ मूलनारासहित अन्तरविद्यालय नृत्य प्रतियोगिता शुक्रबार वीरगञ्जमा सम्पन्न भइको छ । प्रतियोगितामा आठ प्रतिष्ठित विद्यालयका विद्यार्थीहरुले सांस्कृतिक र परम्परागत नृत्य प्रस्तुत गरका थिए ।

कार्यक्रमको सभापतित्व ज्ञानदा एकेडेमीका प्रमुख कार्यकारी अधिकृत राजेन्द्र प्रसाद कोइरालाले गर्नुभयो। मुख्य अतिथि राजेन्द्र शाही र विशिष्ट अतिथि सन्तोष परियारले निर्णायकको रूपमा नृत्य मूल्यांकन गर्नुभयो। प्रतियोगितामा मनकामना मावि प्रथम, लिटिल फ्लावर मावि द्वितीय, साउथ जोन मावि तृतीय र विकन मावि चौथो भएका थिए। विजयी टोलीका विद्यार्थीहरुलाई पुरस्कार र सम्मानपत्र प्रदान गरिएको थियो।

कार्यक्रमले विद्यार्थीको प्रतिभा उजागर गर्नुका साथै स्थानीय समाजमा सांस्कृतिक संरक्षणको सन्देश प्रवाहित गरेको आयोजकले जनाएको छ। कार्यक्रमको सहजीकरण ज्ञानदा एकेडेमीकी शिक्षिका आकृति थापा र मिरा घिमिरेले उत्कृष्ट रूपले सञ्चालन गर्नुभएको थियो । कार्यक्रमको अन्तमा धन्यवाद ज्ञापन ज्ञानदा एकेडेमीका एकेडेमीक हेड सन्ध्या वशिष्ठले गर्नुभएको थियो ।