हेटौंडामा सडक विस्तार शुरू : बिहानबाटै अतिक्रमित क्षेत्र हटाउने र भत्काउने काम चल्दै

समाचार

गृहपृष्ठ
समाचार

हेटौंडामा सडक विस्तार शुरू : बिहानबाटै अतिक्रमित क्षेत्र हटाउने र भत्काउने काम चल्दै

choicekhabar शनिबार, मंसिर २०, २०८२

काठमाण्डौ – मकवानपुरको हेटौंडामा मुख्य बजार क्षेत्रमा सडक चौडा बनाउने काम शुरू गरिएको छ । हेटौंडाको बजार क्षेत्रमा पर्ने पूर्वपश्चिम राजमार्ग र त्रिभुवनराजपथ सडकलाई फराकिलो बनाउने काम थालिएको हो ।

राजमार्ग फराकिलो बनाउनका लागि डिभिजन सडक कार्यालय हेटौंडा र जिल्ला प्रशासन कार्यालयको पहलमा आज बिहानैदेखि ठाउँ ठाउँमा डोजर लगाएर अतिक्रमित क्षेत्र हटाउने र भत्काउने काम भैरहेको छ ।

लामो विवाद र कानुनी उल्झनपछि हेटौंडा बजार क्षेत्रको मुख्य सडक दायाँ–बायाँ बनाइएका स्थायी तथा अस्थायी संरचना हटाउनको काम थालिएको हो । डिभिजन सडक कार्यालयले बिहान हेटौंडा बजारको बुद्धचोक क्षेत्रबाट डोजर लगाएर सडकमा बनाइएका संरचनाहरू हटाउने काम थालेको हो । ती क्षेत्रमा सुरक्षाकर्मी पनि परिचालन गरिएको छ ।

मुख्य बजार क्षेत्रको सडक सिमामा बनाइएका स्थायी र अस्थायी संरचनाहरू डिभिजन सडक कार्यालयले चरणबद्ध रूपमा हटाइरहेको प्रमुख जिल्ला अधिकारी बसन्त अधिकारीले बताउनुभयो । हेटौंडाको राप्ती रोड तथा बुद्धचोक क्षेत्रमा संरचना भत्काउने काम भैरहेको छ ।

सडक डिभिजन हेटौंडाले यसअघि मंसिर ५ गते सडक सीमा क्षेत्र खाली गर्न १५ दिने म्यादसहित सूचना जारी गरेको थियो । म्याद सकिएसँगै आजदेखि सडक विस्तार कार्य अघि बढेको प्रशासनले जनाएको छ ।

प्रकाशित मिति: शनिबार, मंसिर २०, २०८२ ११:०८

प्रतिक्रिया दिनुहोस्