आज अन्तर्राष्ट्रिय पर्वत दिवस

समाचार

गृहपृष्ठ
समाचार

आज अन्तर्राष्ट्रिय पर्वत दिवस

choicekhabar बिहीबार, मंसिर २५, २०८२

काठमाण्डौ – विश्वभर पर्वतीय समुदाय एवम् वातावरणका पक्षमा सकारात्मक परिवर्तन ल्याउन सहकार्य निर्माण गर्ने उद्देश्यका साथ आज विभिन्न देशमा अन्तर्राष्ट्रिय पर्वत दिवस मनाइँदै छ ।

राष्ट्रसङ्घको आह्वानमा सन् २००३ देखि हरेक वर्ष ११ डिसेम्बरमा यो दिवस राष्ट्रसङ्घका धेरै सदस्य देशमा मनाइन्छ । राष्ट्रसङ्घीय खाद्य तथा कृषि सङ्गठन ९एफएओ० को प्रधान कार्यालयमा पर्वतीय जीवन, हिमनदी तथा पर्यावरणसम्बन्धी प्रवचन, प्रदर्शनीलगायत विविध कार्यक्रम आयोजना हुँदैछन् ।

राष्ट्रसङ्घका अनुसार विश्वको दुई अर्ब जनसङ्ख्या पर्वतीय क्षेत्रबाट प्रवाह हुने पानीमा निर्भर छन् । पछिल्ला वर्षहरूमा पर्वतीय वातावरण तीव्र जोखिममा परेकाले पानीको स्रोत जोखिममा परेका छन् । द्रुत गतिमा हिमनदी पग्लिएका छन् । विश्व तापक्रम बढ्ने क्रम जारी रहे अरु हिमनदी हराउने छन् ।

यसैगरी विश्वको एक करोड ५० लाखभन्दा बढी जनसङ्ख्या हिमनदीहरूको पग्लेर बनेका ताल फुट्ने सम्भावित जोखिमका कारण अत्यधिक संवेदनशील अवस्थामा छन् । यो दिवसले यस्ता जोखिम र चुनौतीबारे विश्व समुदायलाई सतर्क गराउँदै पहाड–पर्वत संरक्षण, दिगो विकास तथा सुरक्षित भविष्यका लागि सहकार्यमा जोड दिएको छ ।

प्रकाशित मिति: बिहीबार, मंसिर २५, २०८२ १०:४४

प्रतिक्रिया दिनुहोस्