ज्ञान्दा एकेडेमी प्लस टु कलेजमा कक्षा ११ का उत्कृष्ट विद्यार्थीहरू सम्मानित

स्वास्थ्य/शिक्षा

गृहपृष्ठ
स्वास्थ्य/शिक्षा

ज्ञान्दा एकेडेमी प्लस टु कलेजमा कक्षा ११ का उत्कृष्ट विद्यार्थीहरू सम्मानित

choicekhabar शुक्रबार, माघ १६, २०८२

वीरगञ्ज — ज्ञान्दा एकेडेमी प्लस टु कलेजले आज कक्षा ११ मा उत्कृष्ट अङ्क ल्याएका विद्यार्थीहरूलाई नगद पुरस्कार र प्रमाणपत्रद्वारा सम्मान गरेको छ। कार्यक्रम कलेजका प्रिन्सिपल राजेन्द्र कोइरालाको सभापतित्वमा र वरिष्ठ प्राध्यापक विनोद नेताको प्रमुख आतिथ्यमा सञ्चालन भएको थियो।

समारोहको प्रमुख अतिथि मेहताले विद्यार्थीलाई केवल अध्ययनमा मात्र केन्द्रित नरहँदा, प्रत्येक विद्यार्थीको व्यक्तिगत रुचि र क्षमतालाई बुझेर अभिभावकहरूले सहयोग गर्नु आवश्यक रहेको बताए। उनले भने, “विद्यार्थीहरू सबै विषयमा अब्बल नहुन सक्छन्, तर हरेकले आआफ्नो रुचि अनुसार विभिन्न क्षेत्रहरूमा योगदान दिन सक्छन्। केवल महँगो स्कुल र कलेजमा पढाएर मात्र शिक्षा सम्पन्न हुँदैन।”

प्रिन्सिपल राजेन्द्र कोइरालाले भने, “हामीले यहाँ अध्ययनरत विद्यार्थीहरूको नेतृत्व र अन्य क्रियाकलापमा सक्रिय सहभागिता सुनिश्चित गर्दै हरेक विद्यार्थीलाई आफ्ना क्षमताविपरित अवसर दिन्छौँ।” कक्षा ११ मा पास भएका उत्कृष्ट विद्यार्थीहरूलाई नगद पुरस्कार, मेडल र प्रमाणपत्रद्वारा सम्मान गर्दै उनीहरूलाई यस्तै उत्कृष्ट र अब्बल रहन शुभकामना दिइएको थियो।

कार्यक्रममा विद्यार्थीहरूको परिवार, शिक्षक टोली र कलेजका अन्य कर्मचारीहरूको पनि उपस्थिति रहेको थियो।

प्रकाशित मिति: शुक्रबार, माघ १६, २०८२ ११:४५

प्रतिक्रिया दिनुहोस्