वुमन्स एसिया राइजिङ स्टारः पाकिस्तान ‘ए’ ले नेपाललाई १३८ रनको लक्ष्य दियो

खेलकुद

गृहपृष्ठ
खेलकुद

वुमन्स एसिया राइजिङ स्टारः पाकिस्तान ‘ए’ ले नेपाललाई १३८ रनको लक्ष्य दियो

choicekhabar शुक्रबार, फागुन १, २०८२

वुमन्स एसिया राइजिङ स्टारको समूह ए अन्तर्गतको पहिलो खेलमा पाकिस्तान ‘ए’ ले नेपाललाई १३८ रनको विजयी लक्ष्य प्रस्तुत गरेको छ।

थाइल्यान्डको बैंककस्थित थाइल्यान्डको तेरथाइ क्रिकेट मैदानमा टस हारेर ब्याटिङको निम्तो पाएको पाकिस्तान ‘ए’ ले निर्धारित २० ओभरमा ६ विकेट गुमाउँदै १३७ रन बनाएको छ।

पाकिस्तान ‘ए’ को लागि कप्तान हप्सा खलिदले सर्वाधिक ४० रन बनाइन् । उनले ३९ बलमा २ चौका र १ छकका प्रहार गर्दै अविजित रहिन्। सवाल जुलिफरले १०, हुरैना साजादले १७, वाहिदा अख्तरले २३ रन बनाइन्। इमान नसिर ९ रनमा अविजित रहिन्। नेपालको लागि कविता कुँवरले सर्वाधिक २ विकेट लिइन्। मनिषा उपाध्याय, रिया शर्मा, सीता राना मगर र रुबिना क्षेत्रीले १–१ विकेट लिइन्।

यस प्रतियोगितामा नेपाल, भारत ए, पाकिस्तान ए, यूइए समूह ‘ए’ मा रहेर प्रतिस्पर्धा गर्नेछन् भने समूह ‘बी’ मा बंगलादेश, मलेसिया, श्रीलंक ए र थाइल्यान्ड रहेको छ। यो प्रतियोगिताको कप्तानी पुजा महतोले गरिरहेकी छिन्। नियमित कप्तान इन्दु बर्मा चोटका कारण यो सिरिजबाट बाहिरिएकी थिइन्।

प्रकाशित मिति: शुक्रबार, फागुन १, २०८२ १०:४३

प्रतिक्रिया दिनुहोस्