गढीमाई मेलाको मिति सार्वजनिक भएको छैन मेयर यादव

समाचार

गृहपृष्ठ
समाचार

गढीमाई मेलाको मिति सार्वजनिक भएको छैन मेयर यादव

choicekhabar शुक्रबार, जेठ ४, २०८१

बाराको बरियारपुरमा हरेक पाँच बर्षमा लाग्ने विश्वप्रसिद्ध गढीमाई मेलाको भ्रामक प्रचारले भक्तजनहरुलाई झुक्याईदै छ ।पाँच बर्षमा लाग्ने मेलाको अहिले स्थानीय तहको सरकारले कुनै पनि निर्णय नगरेपनि भ्रामक प्रचार हुन थालेपछि महानगढीमाई नगरपालिकाका प्रमुख उपेन्द्र यादवले यसको खण्डन गरेका छन् । उनले भने, “मेलाको मिति तय भभएको छैन् । समाजिक सञ्जालमा भाईरल बनाइएका मिति आधिकारिक छैन ।”

प्रत्येक पाँच वर्षमा लाग्ने बाराको बरियारपुर स्थित विश्व प्रसिद्ध गढीमाई मेलाको मंसिर १७ गते देखि शुरु हुने भनेर विभिन्न समाजिक सञ्जाल र केही अनलाईन सञ्चार माध्यममा आएका सामाग्रीमा विश्वास नगर्न उनले आग्रह गरे । उनले भने, ‘यो मेला १० दिनको हुँदै होईन । मेला त १ महिना सम्म नै लाग्छ ।’ मेला असोजबाट नै शुरु भई पौष मसान्त सम्म नै मेला लाग्ने हुँदा भाईरल भएका सामाग्रीमा मिति आधिकारिक नभएको मेयर यादवले पुष्टि गरे ।

तिथिको अनुसार बलि दिने मिति सहि भए पनि मेला शुरु हुने भने आधिकारिक छैन । सानोतिनो मेला ३ महिने नै रहन्छ तर मुल मेला १ महिने मंसिर १ गतेबाट मंसिर ३० गते सम्म नै लाग्ने हो । तर अहिले तिथि प्रति छलफल गरेर कुनै मिति तय नगरिएको उनको भनाई छ ।

उनले भने “विवाह जस्तै गढीमाई माताको मेलाको दिन उतारिन्छ, असारमा जब सिमाना बाँधिन्छ तब पुजारी, पण्डित र समदायमा बुद्धिजीवीहरु बसेर तिथिहरुमा सल्लाह गरिन्छ अनि चिठी बन्छ, उक्त चिठीमा हल्दी (बेसार) लगाईन्छ, त्यसपछि मितिको सूचना प्रवाह गरिने प्रचलन छ । तर अहिले कुनै किसिमको आधिकारिक मिति तय गरिएको छैन ।” समाजिक सञ्जालमा फैलाइएका मिति आधिकारिक मिति नभएको मेयर यादवको भनाई छ ।

प्रकाशित मिति: शुक्रबार, जेठ ४, २०८१ १६:२८

प्रतिक्रिया दिनुहोस्