अवैध कारोबार रोकिए मात्रै उद्योग र अर्थतन्त्र सुदृढ बन्छ : सांसद विदुषी राणा

समाचार

गृहपृष्ठ
समाचार

अवैध कारोबार रोकिए मात्रै उद्योग र अर्थतन्त्र सुदृढ बन्छ : सांसद विदुषी राणा

choicekhabar मंगलबार, वैशाख २९, २०८३

काठमाडौँ । प्रतिनिधिसभा अन्तर्गतको अर्थ समितिको बैठकमा सांसद विदुषी राणाले नेपालमा उद्योग र उत्पादन क्षेत्रको प्रवर्द्धनका लागि सबैभन्दा पहिले स्वच्छ र सुरक्षित व्यावसायिक वातावरण निर्माण गर्नुपर्नेमा जोड दिएकी छन् ।

बैठकमा बोल्दै सांसद राणाले सीमा क्षेत्रमा कडाइ गरिए पनि नेपालमा अवैध व्यापार झन् बढ्दै गएकोप्रति चिन्ता व्यक्त गरिन्। उनले अवैध सामान बाहिरबाट मात्र नभई देश भित्रै पनि दर्ता विनाका उद्योगहरू खोलेर उत्पादन भइरहेको बताइन् । यस्ता अवैध व्यवसायले न राज्यलाई कर तिर्छन्, न त श्रमिकलाई न्यूनतम सुविधा नै दिन्छन्, राणाले भनिन्, यसले गर्दा कानुनी प्रक्रिया पूरा गरेर चलेका इमानदार उद्योगी र कर तिर्ने व्यवसायीहरू निरुत्साहित भएका छन् ।

सांसद राणाले अवैध व्यापार आर्थिक समस्या मात्र नभई देशको व्यावसायिक संस्कृतिमा फैलिएको गम्भीर विकृति भएको उल्लेख गरिन्। अनुगमनका क्रममा एउटा सरकारी निकायले अर्को निकायलाई दोष देखाउने प्रवृत्तिले समस्या झन् बल्झिएको उनको तर्क थियो।

समस्या समाधानका लागि उनले वाणिज्य, अर्थ, गृह, भन्सार र उद्योग मन्त्रालयका साथै सुरक्षा निकायहरूलाई समेत समेटेर एकद्वार प्रणालीमार्फत प्रभावकारी संयुक्त अनुगमन संयन्त्रु तत्काल बनाउन माग गरिन्। अवैध व्यापार रोक्न सके मात्रै स्वदेशी उद्योगहरू बाँच्ने, राज्यको राजस्व बढ्ने र अन्ततः देशको अर्थतन्त्र बलियो हुने उनले विश्वास व्यक्त गरिन् ।

प्रकाशित मिति: मंगलबार, वैशाख २९, २०८३ ११:३०

प्रतिक्रिया दिनुहोस्