एसईई २०८२ मा उत्कृष्ट नतिजा ल्याउने विद्यार्थीलाई प्याब्सन पर्साद्वारा सम्मान

समाज

गृहपृष्ठ
समाज

एसईई २०८२ मा उत्कृष्ट नतिजा ल्याउने विद्यार्थीलाई प्याब्सन पर्साद्वारा सम्मान

choicekhabar आइतबार, असार ७, २०८३

वीरगञ्ज । निजी तथा आवासीय विद्यालय अर्गनाइजेसन नेपाल (प्याब्सन) पर्साले एसईई २०८२ मा उत्कृष्ट नतिजा हासिल गरेका विद्यार्थीहरूलाई सम्मान गरेको छ।

होटल वृन्दावनमा आयोजित “एसईई टपर्स सम्मान कार्यक्रम–२०८३” मा प्याब्सनमा आबद्ध ४० वटा विद्यालयका उत्कृष्ट छात्र–छात्राहरूलाई प्रमाणपत्रसहित सम्मान गरिएको हो।

कार्यक्रमको अध्यक्षता प्याब्सन पर्साका अध्यक्ष सरोज चौधरीले गरेका थिए भने प्रमुख अतिथिका रूपमा वीरगञ्ज महानगरपालिकाका शिक्षा प्रमुख आनन्द लामिछाने सहभागी रहेका थिए। कार्यक्रममा प्याब्सन महानगर अध्यक्ष राहुल श्रीवास्तव, अशोक संग्रौला, अमित आलोक, शर्मानन्द कुशवाहा, प्रकाश उपाध्यायलगायत शिक्षा क्षेत्रसँग सम्बन्धित व्यक्तित्व, शिक्षक तथा विद्यार्थीहरूको उल्लेखनीय उपस्थिति रहेको थियो।

कार्यक्रमलाई सम्बोधन गर्दै प्रमुख अतिथि लामिछानेले यस्ता सम्मान कार्यक्रमले विद्यार्थीहरूमा थप उत्साह र प्रेरणा जगाउने विश्वास व्यक्त गरे। उनले मेहनत, अनुशासन र लगनशीलताका साथ अध्ययन गर्ने विद्यार्थीहरूलाई सम्मान गर्नु सकारात्मक अभ्यास भएको उल्लेख गर्दै यसले उनीहरूको शैक्षिक तथा व्यावसायिक भविष्य निर्माणमा महत्वपूर्ण योगदान पुर्‍याउने बताए।

प्याब्सन पर्साले शैक्षिक उत्कृष्टतालाई प्रोत्साहन गर्ने उद्देश्यले प्रत्येक वर्ष यस्ता कार्यक्रम आयोजना गर्दै आएको जनाएको छ। कार्यक्रममा सम्मानित विद्यार्थीहरूलाई उज्ज्वल भविष्यको शुभकामना व्यक्त गर्दै निरन्तर उत्कृष्टता हासिल गर्न प्रेरित गरिएको थियो।

प्रकाशित मिति: आइतबार, असार ७, २०८३ १४:४५

प्रतिक्रिया दिनुहोस्