रसुवा बाढीपीडितको राहतमा नेशनल र नेपाल मेडिकल कलेजको ७५ लाख सहयोग

समाचार

गृहपृष्ठ
समाचार

रसुवा बाढीपीडितको राहतमा नेशनल र नेपाल मेडिकल कलेजको ७५ लाख सहयोग

choicekhabar सोमबार, भदौ २२, २०८३

रसुवा जिल्लामा हालै आएको बाढी तथा प्राकृतिक विपद्बाट प्रभावित नागरिकको राहत, उद्धार तथा पुनःस्थापनाका लागि नेशनल मेडिकल कलेज प्रा.लि., वीरगञ्ज र नेपाल मेडिकल कलेज प्रा.लि., गोकर्णेश्वर, काठमाडौंले संयुक्त रूपमा ७५ लाख रुपैयाँ आर्थिक सहयोग गरेका छन्।
नेपाल मेडिकल कलेज परिवार र नेशनल मेडिकल कलेज परिवारको संयुक्त योगदानस्वरूप प्रधानमन्त्री दैवी प्रकोप उद्धार कोष (बाढी राहत) मा रु. ७५ लाख जम्मा गरिएको हो।
बाढी तथा प्राकृतिक विपद्का कारण प्रभावित परिवार तथा समुदायलाई राहत, उद्धार र आवश्यक मानवीय सहायता उपलब्ध गराउन सहयोग पुगोस् भन्ने उद्देश्यले उक्त रकम प्रदान गरिएको दुवै संस्थाले जनाएका छन्।
स्वास्थ्य सेवामा सक्रिय दुवै मेडिकल कलेजले विपद्को कठिन समयमा आफ्नो सामाजिक उत्तरदायित्वलाई प्राथमिकतामा राख्दै प्रभावित नागरिकको साथमा उभिएको बताएका छन्। संयुक्त रूपमा गरिएको आर्थिक सहयोगले राहत वितरण, उद्धार तथा पुनःस्थापनाका कार्यमा थप सहयोग पुग्ने अपेक्षा गरिएको छ।
मानवीय सेवाको भावनाबाट गरिएको यस सहयोगले विपद्का समयमा स्वास्थ्य संस्था, स्वास्थ्यकर्मी र समुदायबीचको सहकार्य तथा सामाजिक उत्तरदायित्वलाई थप बलियो बनाउने विश्वास गरिएको छ।
नेशनल मेडिकल कलेज वीरगञ्ज र नेपाल मेडिकल कलेज काठमाडौंले आगामी दिनमा पनि रसुवासहित देशका विभिन्न क्षेत्रमा विपद्बाट प्रभावित नागरिकको आवश्यकता र परिस्थितिअनुसार मानवीय तथा सामाजिक सेवाका कार्यलाई निरन्तरता दिने प्रतिबद्धता व्यक्त गरेका छन्।

प्रकाशित मिति: सोमबार, भदौ २२, २०८३ १८:३४

प्रतिक्रिया दिनुहोस्