कोशी प्रदेश सरकार गठन असंवैधानिक भएको दाबी गरिएको रिटमा आजदेखि निरन्तर सुनुवाइ

राजनीति

गृहपृष्ठ
राजनीति

कोशी प्रदेश सरकार गठन असंवैधानिक भएको दाबी गरिएको रिटमा आजदेखि निरन्तर सुनुवाइ

choicekhabar आइतबार, असार ९, २०८१

९ असार,काठमाडौं । कोशी प्रदेश सरकार गठन असंवैधानिक भएको दाबी गर्दै यसविरुद्ध सर्वोच्च अदालतमा दायर गरिएको रिटमा आजदेखि निरन्तर सुनुवाइ हुने भएको छ । यसअघि यो रिट प्रारम्भिक सुनुवाइपछि हेर्दाहेर्दैमा रहेको थियो ।

३१ जेठमा न्यायाधीशहरू कुमार रेग्मी, डा.नहकुल सुवेदी र अब्दुल अजीज मुसलमानको पूर्ण इजलासले यो रिटलाई हेर्दाहेर्दैमा राखेको थियो । आज पनि यो रिटमाथि उनै तीन न्यायाधीशको पूर्ण इजलासमै सुनुवाइ हुनेछ ।

कोशी प्रदेश नेपाली कांग्रेसका संसदीय दलका नेता तथा यसअघिका मुख्यमन्त्री केदार कार्कीले दायर गरेको रिटमाथिको रिट निवेदकका तर्फबाट कानुन व्यवसायीले बहस सक्नै बाँकी छ । निवेदकका वकिलको बहस सकिएपछि विपक्षीका वकिलहरूको बहस सुरु हुने हुँदा आज रिटको सुनुवाइ सकिने सम्भावना अत्यन्तै न्यून छ ।

यसअघि एकल इजलास, संयुक्त इजलास हुँदै यो रिट पूर्ण इजलासमा पुगेको हो । एकल र संगुक्त इजलासले थप संवेधानिक जटिलता भएको कारण देखाउँदै यो रिटलाई पूर्ण इजलासमा पठाएका हुन् । संवैधानिक निरुपण गर्नुपर्ने भएकोले यो रिट संवेधानिक इजलासमा पठाइने सम्भावना पनि छ ।

प्रकाशित मिति: आइतबार, असार ९, २०८१ १२:३२

प्रतिक्रिया दिनुहोस्