शुभकामना समारोहमा सिडिओ र उद्योगीको पसिना बग्यो

समाज

गृहपृष्ठ
समाज

शुभकामना समारोहमा सिडिओ र उद्योगीको पसिना बग्यो शुभकामना आदानप्रदान कार्यक्रममा वक्ताहरुले शान्ति सुरक्षामा प्रहरी प्रशासन चनाखो हुनुपर्ने ध्यानाकर्षण गराएका थिए।

choicekhabar मंगलबार, कात्तिक २१, २०८०

वीरगञ्ज : सागरमाथ टेलिभिजन बीरगंजको आयोजना तथा राष्ट्रिय सरोकार मंच नेपाल नारायणी बीरगंजको सहयोगमा आज नेपाल पत्रकार महासंघको सभाहलमा दिपावली तथा छठ पर्वको अवसरमा शुभकामना आदानप्रदान कार्यक्रम सम्पन्न भएको छ । टेलिभिजनका बीरगंज ब्युरो प्रणय कुमारको अध्यक्षता तथा प्रमुख जिल्ला अधिकारी हिरालाल रेग्मीको प्रमुख आतिथ्यमा सो शुभकामना आदानप्रदान कार्यक्रम सम्पन्न भएको हो ।

शुभकामना आदानप्रदान कार्यक्रममा वक्ताहरुले शान्ति सुरक्षामा प्रहरी प्रशासन चनाखो हुनुपर्ने ध्यानाकर्षण गराएका थिए। अहिले बीरगंज शान्ति सुरक्षा राम्रो भए पनि चोरीपैठारी धेरै बढीरहेकोमा चिन्ता ब्यक्त गरेका हुन । शुभकामना आदानप्रदान कार्यक्रममा नेपाल पत्रकार महासंघका केन्द्रीय सचिव दिपेन्द्र चौहानले राज्यकै अगाडि चोरी हुनु र उनीहरु पक्राउ नपर्नु सबैको लागि चिन्ताको बिषय भएको धारणा राख्नु भएको थियो ।

नेपाल पत्रकार महासंघ मधेस प्रदेशका महासचिव श्याम बन्जाराले जिल्ला प्रशासन कार्यालय पर्साको गतिबिधि संदिग्ध देखिएको बत्रताउनुहुँदै नागरिकता, मिटर ब्याज, अनुगमन र क्यासिनोमा नेपाली प्रबेश गर्न दिएर राज्यलाई नै सोही निकाएबाटै कमजोर बनाउन खोजेको आरोप लगाउनुभयो । उहाँले बीरगंज उद्योग बाणिज्य संघ समाजिक दायीत्वमा अझै लाग्नु पर्ने सुझाव समेत दिनुभयो ।

मधेस प्रदेशका उधोग वाणिज्य महासंघका अध्यक्ष अशोक टेमानी,बीरगंज उधोग वाणिज्य संघका वरिष्ठ उपाध्यक्ष हरि गौतम उपाध्यक्ष माधवराज पाल,पुर्व अध्यक्ष गणेश लाठ लगायतले शुभकामना दिनुभएको थियो ।कार्यक्रमको स्वागत मनतब्य राष्ट्रिय सरोकार मंच नेपाल नारायणी बीरगंज संयोजक नन्दकिशोर गोयलले गर्नुभएको थियो ।

प्रकाशित मिति: मंगलबार, कात्तिक २१, २०८० १७:०२

प्रतिक्रिया दिनुहोस्