श्रीमतिलाई आमा बनाएर पेन्सन कुम्ल्याउँदै : वडा अध्यक्ष बिरुद्ध मुद्दा, काँग्रेस पर्सा के गर्छ ?

समाचार

गृहपृष्ठ
समाचार

श्रीमतिलाई आमा बनाएर पेन्सन कुम्ल्याउँदै : वडा अध्यक्ष बिरुद्ध मुद्दा, काँग्रेस पर्सा के गर्छ ?

choicekhabar बिहीबार, कात्तिक २३, २०८०

वीरगंज । पर्सा जिल्लाको बहुदरमाई नगरपालिका वडा नम्बर २ का वडाध्यक्ष जीतेन्द्र पटेलले वडाका स्थानीयका श्रीमतिलाई उनको आमा भन्दै सिफारिस गरिदिएको चर्चाले अहिले सो नपा निकै बदनाम बन्न गएको छ । वडा अध्यक्ष जितेन्द्र पटेलले अधिकार दुरुपयोग गरी नक्कली कागजात बनाएर सरकारी पेन्सन खुवाएको तथ्य बाहिर बाहिर आएपछि यसले सनसनी मच्चिएको हो ।

सोही नगरपालिकाको वडा नम्बर २ बस्ने आकास प्रसाद यादवले आफ्नै श्रीमतिलाई कान्छी आमा बनाएर बर्र्षौदेखि श्रीमानको सरकारी जागिर वापत पाउने पेन्सन खाँदै आएको रहस्य बाहिरिए पछि वडा अध्यक्षको गरिमा उपर प्रश्न चिन्ह खडा भएको छ । आमाको देहान्तपछि यादवले आफ्नी श्रीमति सँगिता देवीलाई आमा बनाएर पेन्सन खाँदै आएको खुलेको हो । आकासका बुबा बिनोद यादब शिक्षक थिए भने केही बर्ष अघि उनको निधन भएको छ । आमाको समेत निधन भएपछि मृतकको श्रीमतीले पाउन्ुपर्ने पेन्सन उनीपनि मरेपछि आकासले श्रीमतिलाई नै आमा बनाएर पेन्सन बुझेका हुन । उनलाई यो कागजात बनाउनमा अध्यक्ष पटेलले नै सघाएका थिए ।
गत स्थानीय तहको निर्बाचनमा नेपाली काँग्रेसबाट निर्वाचित अध्यक्ष पटेलको यो हर्कतको कारण पर्सा काँग्रेस गम्भिर नैतिक संकटमा परेको छ भने अव वडा अध्यक्षको पद समेत धरापमा परेको छ । यस बारेमा अध्यक्ष पटेलसँग सम्पर्क राख्दा उनले यसमा कुनै पनि अनियमितता नभएको बताउँदै स्वर्गीए बिनोदको श्रीमतिको निधन २०६० सालमा भएपछि उनले कान्छिी श्रीमति ल्याएको र उनको नाममा बिनोदल नै पेश्नन पद्दामा नाम लेखिदिएको बताउँदै यसकै आधारमा नियम संगत रुपमा नाता प्रमाणित गरिएको हो ।

अदालतमा समेत मुद्दा परेपछि हाल पन्सन बुझ्ने कान्छी श्रीमतीले अंश समेत प्राप्त गरेको बताए । उता नगर प्रमुख सिँहासन साह तेलीसँग सम्पर्क गर्दा बिनोद यादबको दोेस्रो बिवहा नभएको एक छोराले श्रीमतिीलाई आमा बनाएर पेन्सन बृुझेको यसमा वडा अध्यक्ष जितेन्द्रको हात रहेको आरोप लगाए । यस प्रकरणमा कानूनी तथा प्रशासनीक निकायमा मुद्दा बिचाराधिन रहेको समेत बताइन्छ ।

प्रकाशित मिति: बिहीबार, कात्तिक २३, २०८० १८:५१

प्रतिक्रिया दिनुहोस्