बाराको निजगढ निःशुल्क १ दिने स्वास्थ्य शिविर सम्पन्न

समाचार

गृहपृष्ठ
समाचार

बाराको निजगढ निःशुल्क १ दिने स्वास्थ्य शिविर सम्पन्न

choicekhabar आइतबार, जेठ ११, २०८२

दिपेन्द्र जयसवाल
निजगढ चिकित्सकको परामर्शबाट मात्र औषधि सेवन गरौं, जथाभावी औषधिको सेवनबाट बचौं, बचाउँ र स्वस्थ रहौँ भन्ने मूल नाराका साथ निजगढ १३ वडा कार्यालयको प्राङ्गणमा शनिबार भएको निःशुल्क १ दिने स्वास्थ्य शिविर कार्यक्रम सफलतापूर्वक सम्पन्न भएको छ।
उक्त शिविरमा निजगढ सामुदायिक अस्पतालले २२१ जनाको स्वास्थ्य परीक्षण गरेको छ भने निजगढ तिलगंगा आँखा अस्पतालले १५० जनाको आँखा परिक्षण गरेकोमा ५ जनामा मोतिविन्दु देखिएको र अन्य दुई जनामा पनि आँखाको नानीमा मासु पलाएको र अपरेसन गर्नुपर्न आँखा चिकित्सकले बताएका छन्।

चिकित्सकका अनुसार मोतिविन्दुको शल्यक्रिया भोलि निजगढ तिल गंगा सामुदायिक अस्पतालमा निःशुल्क उपचार हुने बताइएको छ। १३ नम्बर वडा कार्यालयको आयोजना,निजगढ सामुदायिक अस्पताल निजगढ(९, वारा र निजगढ तिलगंगा आँखा अस्पतालको संयुक्त प्राविधिक सहयोगमा उक्त कार्यक्रम सम्पन्न भएको हो।
उक्त शिविरमा दक्ष डाक्टरहरूद्वारा स्त्रीरोग, पत्थरी, मुटुरोग,पेट दुखाई,ब्लड प्रेसर,सुगर,मुत्ररोग,हाडजोर्नी रोग,बालबालिका सम्बन्धी रोग,आँखाको चेक जाँच र परामर्श दिइनु का साथै औषधी समेत प्रदान गरिएको वडा अध्यक्ष सूर्य घलानले बताउनुभयो।

प्रकाशित मिति: आइतबार, जेठ ११, २०८२ १७:५९

प्रतिक्रिया दिनुहोस्