भारतमा कोरोना संक्रमण बढ्दो, नेपालमा पनि जोखिम उच्च

समाचार

गृहपृष्ठ
समाचार

भारतमा कोरोना संक्रमण बढ्दो, नेपालमा पनि जोखिम उच्च

choicekhabar बिहीबार, जेठ १५, २०८२

काठमाडौं । भारतमा कोरोना भाइरसको संक्रमणका कारण मृत्यु हुनेको संख्या निरन्तर बढिरहेको छ। भारतीय सञ्चारमाध्यमका अनुसार बुधबार थप २ जनाको मृत्यु भएपछि कोरोना संक्रमणबाट ज्यान गुमाउनेको कुल संख्या १४ पुगेको छ।

बुधबार महाराष्ट्रको ठाणेमा एक ६७ वर्षीय कोरोना संक्रमित पुरुषको मृत्यु भएको छ। उनलाई मे २५ मा अस्पताल भर्ना गरिएको थियो। मृतक उच्च रक्तचाप र मधुमेहका बिरामी थिए र उनले कोरोनाविरुद्धको खोप पनि लगाएका थिएनन्।

यसैगरी, बुधबार नै चण्डीगढमा कोरोना उपचारका क्रममा उत्तर प्रदेशका एक ४० वर्षीय पुरुषको पनि मृत्यु भएको छ। उनी पन्जाबको लुधियानामा काम गर्थे र सास फेर्न गाह्रो भएपछि उनलाई चण्डीगढ रेफर गरिएको थियो।

भारतभर कोरोना संक्रमण हुने क्रम बढ्दै गएको छ। हालसम्म भारतमा सक्रिय कोरोना संक्रमितको संख्या १३२६ पुगेको छ। जसमध्ये सबैभन्दा बढी केरलामा ४३० जनामा कोरोना संक्रमण पुष्टि भएको छ।

छिमेकी मुलुक भारतमा कोरोना संक्रमण भयावह हुँदै जाँदा नेपालमा पनि जोखिम बढेको छ। सीमापारबाट हुने आवागमनका कारण संक्रमण फैलिने सम्भावना रहेकोले आवश्यक सतर्कता अपनाउनुपर्ने देखिएको छ।

प्रकाशित मिति: बिहीबार, जेठ १५, २०८२ १४:१३

प्रतिक्रिया दिनुहोस्