कक्षा सजावटमा कक्षा चारले मार्यो बाजि, विद्यार्थीहरुको कला प्रदर्शन उत्कृष्ट भएको प्रमुख अतिथि चौधरीको भनाइ

समाचार

गृहपृष्ठ
समाचार

कक्षा सजावटमा कक्षा चारले मार्यो बाजि, विद्यार्थीहरुको कला प्रदर्शन उत्कृष्ट भएको प्रमुख अतिथि चौधरीको भनाइ

choicekhabar आइतबार, जेठ १८, २०८२

बीरगंज महानगरपालिका वडा नम्बर १५ मा रहेको नवदिप एकेडेमी माध्यमिक बिधालयमा अध्यानरत नर्सरी देखि कक्षा ९ सम्मका विद्यार्थीहरुले आफ्नो कक्षा सजावटमा कक्षा ४ को बि सेक्सनले बाजि मारेको छ।

नवदिप एकेडेमीका प्रिन्सिपल सुशीला साहको अध्यक्षता तथा प्याब्सन पर्साका जिल्ला अध्यक्ष सरोज प्रसाद चौधरीको प्रमुख आतिथ्यमा आइतबार बिधालयमा अध्यानरत नर्सरी देखि कक्षा ९ सम्मका विद्यार्थीहरुले कक्षा सजावटको अनुगमन गर्ने क्रममा सबै विद्यार्थीहरुले उत्कृष्ट चित्रहरूले सजावट गरेका थिए।प्याब्सनका अध्यक्ष एवम् प्रमुख अतिथि चौधरीले गुणस्तरीय शिक्षा संगै अन्य क्रियाकलापमा पनि उतिकै विद्यार्थीहरु अब्बल रहेको बताएका छन् ।

विद्यार्थीहरुको कलाप्रति उत्साहित हुदै चौधरीले भने अहिले हरेक चित्रहरू यसरी आफ्नो कला मार्फत प्रदर्शनीमा उत्रिएकोमा खुशी ब्यक्त गरेका हुन ।निजी बिधालयका विद्यार्थीहरुले अहिले खेलकुद देखि अन्य अतिरिक्त क्रियाकलापमा सहभागी हुनु भनेको आफ्नो कला प्रदर्शन गर्नु हो भनेर बताए ।

विद्यार्थीहरुले तयारी गरेको कक्षा कोठा सजावट कोही भन्दा कोही कमी कमी नरहेको र निर्णयक मण्डलहरुलाई समेत अंक दिन हामेहामे भएको थियो ।उक्त कक्षा कोठाको सजावट निर्णयक मण्डलहरु प्याब्सनका पुर्व केन्द्रीय सदस्य प्रकाश उपाध्याय,प्याब्सन मधेस प्रदेशका सल्लाहकार इमामुदिन अहमद ,पत्रकार जगत राई ,अभिभावकको तर्फबाट राजकुमार तामाङ रहनु भएको थियो ।कक्षा कोठा सजावटमा कक्षा ४ को बि सेक्सन प्रथम कक्षा १ ए सेक्सन दोस्रो कक्षा ५ तेस्रो एलकेजी ए सेक्सन चौथो भएका छन् ।

प्रकाशित मिति: आइतबार, जेठ १८, २०८२ १७:३१

प्रतिक्रिया दिनुहोस्