अब चुप लाग्ने होइन, उठ्ने हो — नारायणी रंगशाला बचाउने हो : नेलोखे संघ पर्सा अध्यक्ष पटेल

समाचार

गृहपृष्ठ
समाचार

अब चुप लाग्ने होइन, उठ्ने हो — नारायणी रंगशाला बचाउने हो : नेलोखे संघ पर्सा अध्यक्ष पटेल

choicekhabar आइतबार, जेठ १८, २०८२

वीरगञ्ज : खेलकुदको सम्मान, पूर्वाधारको संरक्षण र अधिकारको सुनिश्चितताका लागि सम्पूर्ण खेलाडी, प्रशिक्षक तथा खेलप्रेमीहरू अब एकजुट भएर “बृहत् आन्दोलन” गर्नुपर्ने समय आएको नेपाल लोकतान्त्रिक खेलकुद संघ,पर्सा अध्यक्ष श्याम पटेल बतानु भयो छ ।
वि.सं. २०३८ मा स्थापना भएको र नेपालको दोस्रो ठूलो रंगशालाको रूपमा चिनिने नारायणी रंगशाला अहिले जीर्णोद्धारको पर्खाइमा दशकौँ बितिसकेको छ। करिब १५ देखि १८ हजार दर्शक क्षमता भएको यो रंगशाला काठमाडौंको दशरथ रंगशालापछिको महत्वपूर्ण खेलकुद पूर्वाधार हो। तर, यसको अवस्था दयनीय बन्दै गएको छ।

वि.सं.२०७७ मा रु ७ करोड बजेट विनियोजन गरिए पनि त्यसपछिका वर्षहरूमा यसको निर्माण कार्य पूर्ण रूपमा रोकिएको छ। विशेषगरी, आगामी आर्थिक वर्ष २०८२र८३ का लागि सार्वजनिक गरिएको संघीय बजेटमा वीरगञ्जको नारायणी रंगशालालाई फेरि पनि उपेक्षा गरिएको छ।
यसको विपरित, काठमाडौंका मुलपानी, कीर्तिपुर, मोरङ, कैलाली, रुपन्देही, झापा र सुर्खेत लगायतका स्थानका रंगशालाका लागि उल्लेखनीय रकम छुट्याइएको छ। तर, दशरथ रंगशालापछिको दोस्रो ठूलो वीरगञ्जको नारायणी रंगशाला भने लगातार बेवास्तामा परेको छ। २०४२ सालमा निर्माण भएको यो रंगशालालाई तीनै तहका सरकारले प्राथमिकतामा राखेका छैनन्, जसका कारण यसको मैदान र प्यारापिट कामै नलाग्ने अवस्थामा पुगेका छन्।
पर्साबाट ३ जना संघीय मन्त्री हुँदाहुँदै पनि नारायणी रंगशालाको यो उपेक्षा गर्नु निन्दनीय छ। यस्तो ऐतिहासिक संरचनालाई बेवास्ता गर्नु भनेको युवाहरूको सम्भावना र क्षेत्रीय गौरवमाथिको ठूलो अन्याय हो । यसले स्थानीय स्तरमा खेलकुद विकासको सम्भावनालाई खुम्च्याएकोले यस कार्यको घोर भतर्सना गर्नु भएको अध्यक्ष पटेल बताउनु भयो ।

प्रकाशित मिति: आइतबार, जेठ १८, २०८२ १९:२३

प्रतिक्रिया दिनुहोस्