एक करोड ५७ लाख रुपैयाँ बराबरको बैंकिङ्ग कसुरका एक फरार प्रतिवादी पक्राउ

समाचार

गृहपृष्ठ
समाचार

एक करोड ५७ लाख रुपैयाँ बराबरको बैंकिङ्ग कसुरका एक फरार प्रतिवादी पक्राउ

choicekhabar मंगलबार, असार १७, २०८२

काठमाडौँ– बैंकिङ्ग कसुर मुद्दाका एक जना फरार प्रतिवादीलाई प्रहरीले पक्राउ गरेको छ। पक्राउ पर्नेमा काठमाडौं तार्केश्वर बस्ने ३६ वर्षीय सबिन महर्जन रहेका छन् । उनीविरुद्ध सम्मानित काठमाडौं जिल्ला अदालत, बबरमहलबाट बैंकिङ्ग कसुर मुद्दामा पक्राउ अनुमति प्राप्त भई सकेको प्रहरीले जनाएको छ ।

उनलाई काठमाडौं उपत्यका अनुसन्धान कार्यालयबाट खटिएको प्रहरी टोलीले पक्राउ गरी थप अनुसन्धान तथा आवश्यक कारबाहीको लागि प्रहरी वृत्त महाराजगञ्ज, काठमाडौं पठाइएको प्रहरीले बताएको छ । उनीविरूद्ध बैंकिङ्ग कसुर मुद्दामा नौ लाख असी हजार रुपैंया बिगो बाँकी छ।

महर्जनको विरुद्धमा अनुसन्धान गर्ने क्रममा पहिला नै दुई वटा बैंकिङ्ग कसुर मुद्दा परिसकेको खुल्न आएको छ । उनीविरुद्ध २०८१ साल असोज ९ गते प्रहरी वृत्त थानकोट काठमाडौंमा १ करोड ५० लाख रुपैयाँ बराबरको बैंकिङ्ग कसुर गरेको मुद्दा दर्ता भएको थियो, भने सोही सालको कात्तिक २७ गते प्रहरी वृत्त बालाजु काठमाडौंमा ७ लाख रुपैयाँ बराबरको बैंकिङ्ग कसुर मुद्दा दर्ता भएको थियो ।

प्रकाशित मिति: मंगलबार, असार १७, २०८२ ११:३९

प्रतिक्रिया दिनुहोस्