सवारी दुर्घटना: नेपालमा औसत दैनिक ७ जनाको मृत्यु

समाचार

गृहपृष्ठ
समाचार

सवारी दुर्घटना: नेपालमा औसत दैनिक ७ जनाको मृत्यु

choicekhabar शुक्रबार, साउन २, २०८२

काठमाडौं । नेपालमा सवारी दुर्घटनाको स्थिति भयावह रहेको तथ्यांकले देखाएको छ । प्रहरी महानिरीक्षक दीपक थापाका अनुसार आर्थिक वर्ष २०८१र८२ मा २८ हजार ६ सय ९२ वटा सवारी दुर्घटनामा २ हजार ५४९ जनाको मृत्यु भएको छ । यो तथ्यांकले के देखाउँछ भने सवारी दुर्घटनामा परी एक दिनमा औसत ७ जनाको मृत्यु हुन्छ । दुर्घटनामा परी मर्नेको संख्या मधेश प्रदेशमा बढी रहेको उनले बताए ।

महानिरीक्षक थापाका अनुसार आव २०८०र८१ को भन्दा आव २०८१र८२ मा अपराधका घटनाहरूमा वृद्धि भएको छ । शुक्रबारको संघीयता सवलीकरण तथा राष्ट्रिय सरोकार समितिको बैठकमा बोल्दै उनले आर्थिक वर्ष २०८०र८१ को भन्दा आव २०८१र८२ मा झन्डै १.२४ प्रतिशतले कसुरको मात्रा बढेको हो ।

उनका अनुसार २०८०र८१ को असार मसान्तसम्म देशभरि ५८ हजार ४ सय ७० वटा मुद्दा दर्ता भएको थियो । आव २०८१र८२ मा ५९ हजार २ सय ४ घटना दर्ता भएका छन् । सबैभन्दा धेरै मुद्दा दर्ता काठमाडौं उपत्यकामा नै दर्ता भएको र कूल मुद्दामध्ये काठमाडौं उपत्यकामा दर्ता भएका मुद्दाको संख्या १६ हजार १ सय ७२ रहेको छ ।

त्यसपछि सबैभन्दा धेरै मधेश प्रदेश र कोशी प्रदेश रहेको छ । कर्णालीमा सबैभन्दा कम मुद्दा दर्ता भएका छन् । महानिरीक्षक थापाले भने, ‘अपराधको वर्तमान अवस्थाको कुरा गर्दा गत वर्षको २०८०र८१ को असार मसान्तसम्म देशभरि ५८ हजार ४ सय ७० वटा मुद्दा दर्ता भएको थियो । अहिले ५९ हजार २ सय ४ घटना दर्ता भएको छ ।

गत वर्षभन्दा झन्डै १.२४ प्रतिशतले अहिले कसुरको मात्रा र मुद्दा बढेको अवस्था देखिन्छ । केही मुद्दाहरू देवानी रहेका छन् । सबैभन्दा धेरै मुद्दा दर्ता काठमाडौं भ्याली नै हो । ५९ हजार २ सय ४ मुद्दामा १६ हजार १ सय ७२ मुद्दा यहीँ नै छन् । त्यसपछि मधेश प्रदेश र कोशी प्रदेशमा बढी छन् । कर्णाली प्रदेशमा कम छन् ।

महानिरीक्षक थापाले शान्ति सुरक्षा सही ठाउँमा रहेको बताए । एक दिनमा नेपाल प्रहरीले २ सय २६ वटा सवारी गस्ती, चेकिङ ६ सय ९, पैदल गस्ती १ हजार १ सय १०, ग्रामीण गस्ती ७ सय १२ हुने गरेको बताए ।

२४ घण्टामा ३० हजार ३ सय ७४ जनशक्ति सुरक्षामा खटिने गरेको बताए । नेपाल प्रहरीलाई नेपालभरि २४ घण्टामा ७ हजार २ सय ५५ वटा आउने गरेको बताए ।

प्रकाशित मिति: शुक्रबार, साउन २, २०८२ १६:४६

प्रतिक्रिया दिनुहोस्