अमेरिकामा मलावी र जाम्बियाका नागरिकका लागि भिसा आवेदनमा १५ हजार डलर धरौटी अनिवार्य

समाचार

गृहपृष्ठ
समाचार

अमेरिकामा मलावी र जाम्बियाका नागरिकका लागि भिसा आवेदनमा १५ हजार डलर धरौटी अनिवार्य

choicekhabar बिहीबार, साउन २२, २०८२

काठमाडौं । अमेरिकी विदेश मन्त्रालयले अफ्रिकाका दुई देश मलावी र जाम्बियाका नागरिकहरूले टुरिस्ट वा व्यवसायिक (बिजनेस) भिसाको लागि आवेदन गर्दा १५ हजार अमेरिकी डलर धरौटी राख्नुपर्ने नयाँ व्यवस्था सार्वजनिक गरेको छ।

विदेश मन्त्रालयद्वारा जारी सूचनामा भनिएको छ कि १२ महिनाको ‘नमुना कार्यक्रम’ अन्तर्गत यो नियम लागू गरिएको हो। कार्यक्रमको उद्देश्य भिसा अवधि समाप्त भएपछि पनि अमेरिका बसिरहने (ओभरस्टे) प्रवृत्तिलाई निरुत्साहित गर्नु रहेको छ।

साथै, भिसा प्रक्रिया पूरा गर्न आवश्यक पर्ने केही जानकारी अपुग भए पनि यो धरौटी व्यवस्था लागू हुने जनाइएको छ।

मन्त्रालयका अनुसार, मलावी र जाम्बियाबाहेक अन्य केही देशहरूका नागरिकहरूलाई पनि निकट भविष्यमा यसै प्रकारको धरौटी प्रणालीमा समेट्न सकिनेछ।

धरौटी रकम भने आवेदकको अमेरिका भ्रमण समाप्त भएपछि फिर्ता गरिने जनाइएको छ।

यो नीति पूर्वराष्ट्रपति डोनाल्ड ट्रम्पको कार्यकालमा अवैध आप्रवासन नियन्त्रण गर्न ल्याइएको कडाइपूर्ण कदमहरूमध्ये एक हो। ट्रम्पले आफ्नो दोस्रो कार्यकालको पहिलो दिनमै यससम्बन्धी कार्यकारी आदेशमा हस्ताक्षर गरेका थिए।

अमेरिकी सरकारको विवरणअनुसार, जाम्बियाका ११ प्रतिशत भिसाधारीहरूले भिसा अवधि सकिएपछि पनि अमेरिका नछोड्ने गरेको तथ्याङ्क छ।
त्यसको तुलनामा, हेइटीका ३१ प्रतिशत, म्यान्मारका २७ प्रतिशत र यमनका २० प्रतिशत नागरिकहरू भिसा अवधि नाघेर बस्ने प्रमुख मुलुकका रूपमा उल्लेख छन्।

अमेरिकाले ल्याएको यो नयाँ नीतिले अन्तर्राष्ट्रिय आप्रवासन नीतिमा कडाइ ल्याउने संकेत दिएको छ।

प्रकाशित मिति: बिहीबार, साउन २२, २०८२ १३:२२

प्रतिक्रिया दिनुहोस्